Popular Bible Verses from Maarkɩ 6

Share

Mbá powokaɣ ɛ-cɔlɔ nɛ pɛɖɛɣ yɔ, pɔɖɔwa pɩtɩɩfɛyɩ lɛ, ɛ nɛ ɛ-tɔmkpɛlɩkɩyaa petehiɣ nʋmɔʋ se pɔtɔɔ tɔɔnaɣ. Pʋ-yɔɔ eheyi-wɛ se: «Ɩkɔɔ ɖɩkɛzɩ ɖa-tɩ ɖenɖe ɛyáa fɛyɩ yɔ nɛ ɖɩhɛzɩ pazɩ.»

Peeɖe eheyi-wɛ se: «Pañaŋ náyʋ paa le. Ɛlɛ́, ɛ-tɛtʋ nɛ e-liɖe nɛ ɛ-hɔʋ pa-taa paañaŋ-ɩ.»

Yesu lɩnɩ kpɩyʋʋ taa nɛ etii lɛ, ɛmaɣnɩ ɛyáa samaɣ nɛ pɩlabɩ-ɩ pʋtɔdɩyɛ pɩŋŋ. Mbʋ́ pʋyɔɔ yɔ, ɛmaɣzɩnɩ-wɛ nɛ heŋ weyi ɩfɛyɩnɩ ninɖiɣyu yɔ. Peeɖe ɛpazɩ-wɛ wɩlʋʋ Ɛsɔtɔm ndɩ ndɩ.

Ḿbʋ́ labɩna nɛ ɛtapɩzɩ se ɛla Ɛsɔ hama lakasɩ sakɩyɛ. Ɛlɛ́, kʋdɔndɩnaa pazɩ yɔɔ ɛtɩnɩ nesi nɛ pɔ-yɔɔ cɛ. Peeɖe pɩɖɩɣzɩ-ɩ nɛ ɛzɩma mbʋ́ pɛfɛyɩnɩ lidaʋ ɛ-yɔɔ yɔ. Pʋwayɩ lɛ, Yesu cɔɔ tɛtʋ cikpetu ndɩ ndɩ ndʋ́ tɩwɛ Nazarɛɛtɩ cɔlɔ yɔ tɩ-taa nɛ ɛwɩlɩ nɛ eheyi ɛyáa Ɛsɔtɔm.

Ɛlɛ́, Yesu kpaɣ tindine hɔɔlasɩ kagbaanzɩ ńzɩ́ nɛ kpakpasɩ ńzɩ́ sɩ-naalɛ nɛ ɛkpazɩ ɛsɛ ɛsɔdaa nɛ ɛsɛɛ Ɛsɔ pʋ-yɔɔ. Pʋwayɩ lɛ, ɛcɩyɩ nɛ ɛcɛlɩ ɛ-tɔmkpɛlɩkɩyaa se patayɩ ɛyáa tɩŋa. Ɛlɛ́, pala ḿbʋ́ ɖɔɖɔ nɛ ɛyáa ḿbá pɔtɔɔ pahaɣ. Ɛ-tɔmkpɛlɩkɩyaa kpeɣli hɔɔlasɩ nzɩ́ sɩkazaa yɔ lɛ, pusu ɖɔkɩŋ hiu nɛ naalɛ.