Popular Bible Verses from Joshuwa 1

Share

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Utakalubiiko kunoobelenga Libuku lya Milawo lyoonse pakunoolambila. Ukanokwiiyaamo malumwi amashiku akulabilila kukonkela shoonse shilembetweemo. Na ukacite boobo, ulaakuba acoolwe alimwi ulaakuswitilila.

Webo yumabo akulishoma abuumbi. Ulyeelete kunookonkela Milawo yoonse iyo musebenshi wangu Mose njaakakupa kwaamba ayi ukaswitilile kuli koonse nkweshi ukaye. Utakeeleshi kusuula mulawo nabi womwi.

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.

Ndaakumupa cishi coonse ico nceshi mukalyateemo kweelana ambondakashomesha Mose.

“Mose musebenshi wangu wafwa. Ono webo nyamuka abene Isilaeli boonse, musubuke Mulonga wa Joodani akuya mucishi ico ncentoopa bantu bangu.

Mpomunyaawo Mose musebenshi wa Mwaami Lesa ndyaakafwa, Mwaami Lesa wakaambila Joshuwa mwanaakwe Nani, uyo wakalinga mucafwi wakwe Mose ayi

Cishi canu cilaakuswa muluyanga kulubasu lwakumalenge akuya mukushika kutulundu twa Lebanoni kumatwa. Kuswa kuMulonga unene wa Yufuletisi kulubasu lwakwicwe, kuya mukwiinda mucishi ca bene Iti kushikila akulweenge lwa Mediteleniyani kulubasu lwakumbo.

Uyo woonse eshi akabule kunyumfwila maswi ako nabi kukonkela milasho yako, ulyeelete kucaikwa. Sombi ulyeelete kuyuma akulishoma!”

“Beendeemo mumisumba kunoolwiita bantu ayi, ‘Amubambile limwi cakulya. Pabushiku bwatatu kuswa sunu, mulaakusubuka Mulonga wa Joodani, ayi mukabwese cishi ico Mwaami Lesa, Lesa wanu ncaatoomupa.’ ”