Popular Bible Verses from Luk 8

Share

Na ma kuyam ka dala hayna na, na ŋga na ndaw ma tsənadama guma na ta mevel hayna, dzerey ana, ma təɓama ka mevel ata, ma wafama vaw, hərway ka mətsatar har kakay, arka na a yam kava hərway ma matanduroŋ ata.»

Na ma kuyam 'ay ndak ana na, andza ndaw ma tsənadama na, ama tok na, viya ta me dzeley 'ar ka zleley, ta tek me sey ma mendzey ma bəla neney hay na, ma margaɗata ka tsakay tsəveɗ na, tsoy a slafa me nəhey sakay.

Na ka sek pəray ana na, ndaw ma təɓama guma na ta wuiya ha, andza ma tsənadama ba tsa na, amana, ka pey slasləlay kakay. Da mendzey nekəɗey na a pam 'ar, amana, da har ma pafəmata wuiya na, a mbəkadama.

Arka Yezu ma ləvatar: «Me pey 'ar a kwar ana na, ŋga da may? Da zluwer ata na hana na ma katar ana na, taya ma rəzla hiya ta wuiya. Ha taya ma ləvam ka 'ar vaw ta na hay: «Ɗagay ŋga na na way, ha ŋga ma watar 'ar a memeɗ ta yam ana, ma tsənamar sləmay na na?»

Na ma kuyam ka tsəveɗ ana hay na, ndaw na ma tsənada na hay, amana Setene a sawa a badərawa guma na ba da mevel ata, a wesey na, a da pam 'ar na, tsefe a da buwəmata ba.

Hərway tek na ma kəzla na hay tabiya ha na, a da nəkam. Tek na ka tsəney zlay ana hay na a da səram, a da ɓey vaw ta wuzla rəpas.

Andza ŋgwas ana ma nəkada a slafa ma kəzlada sakay na, ma sawa ta me wesey aha, me kəley ka slam sek aŋga; ma ɓada ka slam dey ma səkway tabiyaha ɗagay a da ləmar na, ma vəday ma mey, arka ɗagay a da ndeley deŋe ka slam ana tsa na teŋgey. Arka ŋga ma ləvar: «Dem a ɗaw, me pey 'ar eɗek ka buwaka ba, daway da zoy.»

Gawla ŋga hay ma gurafama, ma parkadama, ma ləvamar: «Miter! Miter! la da zəɗakwa.» Yezu me pərkey, ma babətsafata ka vavəray ana ta yam; arka memeɗ me rey ba ɗeɗek, kwa tek me ɓəley dasakay.