Popular Bible Verses from Luk 6

Share

Vəlam tek, aza a vələmakwar tey. A da wama na mewey hayna, ma ɗaɗəka ha, ma gagəsa ha, zerre, a da mbəɗadəmakwar ka mey ma zana kwar ana, hərway gwada kwar ma wadəmatara tek ana na, a da wadəmakwar na da huɗa tiyatsa.»

Ndaw kokwoɗ aha na, haya ŋga a bawa na, da mevel aŋga a hana kokwoɗ hana. Ndaw hayakakay ana tey na, tek aŋga haya kakay ana, a bawa na, da mevel aŋga na hana haya kakay ana tey. Hərway huɗa mey a təkərey na tek na, ma bawa da mevel ana.»

Amana wuɗəmata ndaw dugwan a kwar hay, kam tek hayna hay, dadeɗamar tek mandzara me dzeley ka da mawa. Arka na ka da ndzafam masa kwar ɗuhwa ha, ka da təram na bəzey ma Bay'ərlam tsaŋ da mekekəle ŋga ahiya, hərway ŋga na a wuɗata ndaw me pətey har ana hay, ta ndaw seweɗ ana hay dzay.

Təram ndaw ma wura har ahiya andza Baba kwar ma wurey har ana.

Ka da kam sariya ka ndaw zlay, aza ka da kafəmakwar sariya zlay tey. Ka da dzuwam ndaw zlay, aza ka da dzuwəmakwar zlay tey. Safəmata yam ka ndaw hay, aza a ka da safəmakwar yam tey.

Ama i ləvakwar a kuray eɗey ma pafəmaya sləmay ana hay na, wuɗəmata ndaw dugwan a kwar hay, kəmatar hayaha a ndaw ma ŋgəladəmakwar dey kakay ana hay. Pəsafəmata mey ka ndaw ma kəlafəmakwar 'ar ana hay, ɗulafəmata mey ka ndaw ma ŋgələmakwar bəzay ana hay.

Andza tek a kwar ma wuɗam ndaw hay ka kadəmakwar ana na, kadəmatara a taya na andza ha tey.

Ndaw ka kəlaka marawa ba ka tsakay sləmay na, ɓadara tsakay naŋgar. Ndaw ka təɓadaka dawra ɗek ba na, vəladara ta gabak ana dzay. kwa way way a tsəhafaka tek na, vəlar, ndaw ka təɓadaka tek eɗek ba na, ka da tsəha zlay.

«Ɗaɗa vəɗe ma tek hayna a yey bəzey haya kakay ana kakay. Na haya kakay ana tey na, a yey bəzey na hayna kakay tey.

Akwa vəɗe ma tek waray waray na a səradama na, ka bəzey ŋga na. Ɗaɗa ndaw ka ŋgəley bəzey ma gudav ba da’ay ndak ɗaw? Ɗaɗa ndaw ka ŋgəley viŋe da vəɗe hweleŋ ɗaw?