Popular Bible Verses from ROMAHAY 14

Share

Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula. Mbur maga slra ngi Kristu ti jiviɗ misi kanah na, a cira hiri da Buymisemuŋ, yo mizli a ngilam di wuy ma.

Asi da ndr'ada ti siifa na, ndra ti siifa vur Bumbulvuŋ. Yo da i roko micam kwana, i micam vur Bumbulvuŋ. Asi mike na, ko da ndr'ada ti siifa, malla ko da i roko micam tekeɗe kwana, ndr'i nga naŋhay.

Supukum gi gwat mezle ɓa i cifam zuy zuy, yo ɓa a vula ndra gidaŋ ar wala ndra so.

I gam kiita da mbur ar wala ndra ta, kuɗukum mi naŋ. Zuwen tumom vu, ɓa ki gam gwat ngi ba sar da sukum kumo, ɓa a diɗ ar mungra ta, malla ɓa ngi ci di ng'ar mungra ta jaka.

Asi a tohoko na: «Buymisemuŋ a ɓi: Kaɓa ya misi ti siifa gisiŋ na, mizli gar a sa dilkam a mbuŋ ɗu, yo mbur gar a sa ɓa njah ti mi naŋ: Buymisemuŋ, naŋ ti dudoko.» Vurˀe, ko wa gar a sa slufa ɓi ngi hirnga naŋ da Buymisemuŋ ti haŋ naŋ.

Mbur manja gidaŋ ar tiɓi na, tiɓakaŋ, yo gwat naŋ maga taŋ gar na, anja ki mbiɗakaŋ hirnga aseˀe ta.

Da mbur i gawla ɗik ta si na, i ka wa, ɓa hã ki ɓaŋ: «Ki zluɓa le» na ka? Da naŋ zlak kuy kuy angi slra naŋ, malla da a diɗ le kwana, i ɓi ngi buy naŋ ta kwa? Ko mbri na, a sa cici zlak kuy kuy, Bumbulvuŋ, naŋ ti gidaŋ ɓa a jahaŋ jah.