Popular Bible Verses from Luk 6

Share

Vulam, a sa vulukum aya. A sa wukum di ti daram mezle, a zlurukum di ng'ar jiiba ngi zana kumo, jok jok, mbak hã a pi a ruwuy. Asi daram kum mawam di gwat da mizli na, a sa wukum di ti naŋ vuna ya.»

Mbur mezle, a bo ti gwat mezle, naŋ miwi di vu le a mevele mezleŋ. Yo mbur malambaˀa, a bo ti gwat malambaˀ, naŋ miwi di vu le a mevele malambaˀ aya. Asi mike na, mburo, a ɓi di i ɓi minahaŋ mevele le wãˀ.

Kumo so na, wuɗam mesene kumoy. Gam mezle, yo mizli midindilam gwat le avu kum na, ki wulkaka mata. Naŋ kine, kisa lumam migir kumo haɗi, kisa tiram ziri ngi Buymisemuŋ Mimadiɗa. Asi naŋ, naŋ i mezle avu mizli manja si na gi sisehey waɗ avu mizli misi moˀorehey gar.

Gam mezle da mizli kaɓa Cine kum magi mezle na ya.

«Ki gam kaɓa kum i migi kiitahay ta, ɓa a sa gukum kiita ta. Ki hizigiɗam mizli ti kiita ta, ɓa a sa hiziguɗukum ti kiita ta ya. Pulaka mungra ngi mizli, ɓa Buymisemuŋ a sa pula mungra kum aya.

«Amma kum mizli macinam ɓi ɗu na, yi ɓukum: Wuɗam mesene kumoyo, gam mezle da mizli mazliram ti kum ta. Ɗuwulaka mi da mizli manisukumo. Diram dibiɗ vur mizli majukum ɓi na.

Gwat kum mawuɗam ɓa mizli a gukum di na, gaka taŋ di kanah ya.

Da mbur a cuw babarva le avu kwala vay pal na, mbiɗaŋ vay mekeleme ma. Da mbur a zuɓa dawra ɗike le na, pulaŋ a zuɓa zana ngi seˀe wãˀ. Da mbur a cufuɗ gwat le avu ka na, vulaŋ. Da mbur a tiɓa gwat ɗikeye le na, ki cufuɗa mata.

Widis mukuy kuyo, anta yi malambaˀa ta. Yo widis mukuy kuy ta kwana, anta yi mezle ta ya.

Naŋ kine, a sinaka widise gar na, avu yi naŋ: anta ngilam yi ngi ˀuruf avu sisime ta. Anta ngilam yi ngi gudubun avu titife ta ma.