Popular Bible Verses from EZEKIYEL 34

Share

I sa ra supo tumuŋ miziza le, maru ti liˀi kiŋkiŋ lamabaˀa, i sa mo di, mingila sara le, i sa mbizaŋ di, misi jiji, i sa vulaŋ gwat ngi zum, ɓa a slikiɗi. Amma ginew muzlumburahay ati migidaŋ gidaŋhaya, i sa ngizla taŋ. Joˀ i sa jigina tumuŋ ɗuwoyo jeŋŋe ti jiviɗ naŋ.»

Ginewey mizliɗam hirnga le, mijigin masupo taŋ na, ya kwana, i sa sipa ɗuwoyo ginew kanah ya. I sa mo taŋ tir li taŋ mizliɗam hirnga ng'ara, ti hin ngi kutup misirta li le timbiɗim malla ti hin ngi vuŋ ti burkataŋ aseˀeŋ.

Asi ya Bumbulvuŋ, Buymisemuŋ i ɓi na: Ya vuna ti haŋ ɗu, i sa ki slimiɗ ar ginew ɗuwoyo, ɓa i sa pura taŋ bileŋ bileŋ.

I ya ti haŋ ɗu masa jigina ginew ɗuwoyo, yo i ya ti haŋ ɗu masa ru taŋ ar li musuko vu. I ya Bumbulvuŋ, Buymisemuŋ maɓi.

Kum mizli titirahay, kum i tumuŋ ɗuwoy mitaˀ gezleŋ, tumuŋ ngir li zum mezle. Ya kwana, yi Buymisemuŋ kum. I ya Bumbulvuŋ Buymisemuŋ maɓi.»

«Ka mburu, ɓa ɓi ani vur mijigina Israyeley, njika taŋ di. Njika da mijigina Israyeleye, ɓa taŋ na: Ya Bumbulvuŋ, Buymisemuŋ i ɓi na: Bonoy a hirnga mijigina Israyeley, majiginam hirnga taŋ tehhe a muŋ na. Mijigineye, sey a jiginaka tumuŋhoyo takwa?