Popular Bible Verses from Sáni Lúkasï 6

Share

Íntsïmpe je ka íntsïmpenhaakats'ï. Sésiksïni jatsirachent'aati, katsikatsinhachent'aatiksïni, taianhantskata ka churhuntsïti jamperiksïni jatsirachent'aati. Jimpoka mák'ueni eska cha xáni íntspeaka, xántsï intsïnhantaaka.”

Nema enka sési arhip'etiuaka, sési jásï ampe uantasïnti, jimpoka sési jásï ampe mintsitarhu jatanhetixaka, ka nema enka nósesi arhip'etika, nósesi uantasïnti, jimpoka nósesi jásï ampe mintsitarhu jatanhetixaka. Jimpoka ampe enka xáni mintsitarhu jatanhetini jaka imani ampe uantasïnka.”

Cha xénhchaa je imechani enkaksïni chánksïni no xénhchak'a, ka sési ampe úni, ka kuánetkorheni nómpema erokorhent'aparini. Ísï jámantsï kánekua kúntamenhantaaka, ka cháts'ï k'éri Diósï uáp'euaka, enka uarhisechani ka nósesi kámpitichantu p'amok'uak'a.”

“Cha sési kámpe je, ísï eska chári Táte na sési kámpek'a.

Ásï arhinhchpe je, ka nóts'ï arhinhchanhaaka. Ásï uantatspe je ka nóts'ï uantatsenhaaka. Púatspentsï je ka púamenhantaakats'ï.

“K'óru chánksïni enkats'ïni kurhach'ani jaka arhixakaksïni: Xénhchaa je imechani enkaksïni no xénhchak'a, jarhuataa je imechani enkaksïni no xénhchak'a, sési arhia je imechani enkaksïni nósesi arhik'a, ka kómarhip'ekua je imechani enkaksïni útachek'a.

Ísï kámpe je eskats'ï na uék'a eskats'ï cha kánhaaka.

Enkakini nema mápuru páksanharhikuk'a, jurak'ukini tsimapuru atani; ka ekakini nema sununta euakorheaka, jurak'ue chéti xukuparhakuat'u páni. Ne uék'ikini kurhacheni ampe ma, íntsku, ka imani enkakini chéti ampe euakorheaka, ásï arhi euantani.

“Nóma ampakiti anhatapu úsïnti no áspiti amanhech'akua jukani, nít'u úk'i ísku jásï anhatapu áspiti amanhech'akua jukani.

Táchani anhatapu mítenhantasïnti imani jimpo ampe enka jukak'a: Karhasïrhu no jígusï p'ikunhantasïnti, nít'u tsïtunirhu uba p'ikunhantak'i.