Popular Bible Verses from ǂKhoamîdi 4

Share

Sa ǂgaob ǃnâ ra ī xūna ǂōrisase ǃûi, ǁîba xu gu ûib di ǁgamǃāga ra dâu xuige.

Sa ǃgûdaoba ǂhauǂhau, îs sa dāǃharos hoasa ǁaposa.

ǀGamnamxasisa xu ū-oasen, î sa amǁgaukha gāxaǃnâ ǃhoana xu ǃûi.

Gā-aisib ge a ǂguro, ǁnā-amaga ǁîba hōbasen. Tare-i ǀgui-ets ga ôa xawe, ǁnâuǃāba hōbasen.

Xawe ǂhanu-ain di daob ge ǁgoas ǃnâb khami ī, ǀoasases nî soresa ǁhais aiǃâ, ǃaruǀî ǀgui ra ǃnâǃāba. ǂKhabadī-aon daob ge ǃgam ǃkhaenas khami ī, tsîn ge ǁîna tare-i ain ra ǃnôa ǃkhais tsîna ǀū.

Tā gā-aisiba ǂhara, ǁîb nî sâu tsi xuige; ǁîba ǀnam, ǁîb nî ǃûi tsi xuige.

Sa ǁgauǃnâsa ǃkhōǀgaipe, î tā ǁnāxū; ǁîsa ǃûiǃgâ, ǁîs a sa ûi xuige.

Tā eloxoresan di daoba sao, î tā ǂkhabadī-aon di ǃganni ǃnâ ǃgû.

Ti ôado, sadu î-i di ǁgauǃnâsa ǃgâ, î ǁnâuǃāba du nî hōse ǃgaoǃgâ.