Popular Bible Verses from Mateub 7

Share

“ǂGan, o du ge nî māhe; ôa, o du ge nî hō; ǃgubu-am, o du ge nî ǁkhowa-ambahe.

ǂGan ra-i hoa-i ge nî māhe, ôa ra-i hoa-i ge nî hō tsî ǃgubu-am ra-i hoa-i ge nî ǁkhowa-ambahe.

“Mâ-i hoa-i ti mîde ǁnâu tsî ga ǁnâuǀnam-i ge ǁnâuǃāxa ǃgame-aob khami ī, ommi âba ǃhaob ai ge ǂnubikhâiba.

Sats ra dī-ūhe ǂgao khami, nau khoe-i tsîna dī-ū re. Nēs ǃnân Moseb ǂhanub* tsî kēbo-aogu di ǁkhāǁkhās tsîna hâ xuige.

Tsî ǂōs ge dao-ams tsî ǀuib ge daob ûib ǃoa garuba, xawen ge ǀoro ǃgôab khoen ǀguina ǁnāpa nî ǂgâ.

“ǃKhūb Gaosib ge ǂō dao-ams ǃnâ-u ǀgui a ǂgâbahe ǁkhā. Haras ge dao-ams tsî ǂhabab ge daob, kāǁōsib ǃoa garuba tsî ǂguin ge ǁîb ai ra ǃgû.

Sadu hîa a ǂkhaba du ga a ǂan ǃgâi xūna sadu ôana māsa, o mâtikōseb ǁnās ǃgâ-ai sadu Îb ǀhommi ǃnâ hâba, ǂgan bi rana ǃgâina nî mā?

“Tā ǀgoraǃgâ, îb Eloba tā ǀgoraǃgâ tsi. Khoe-ets ra ǀgoraǃgâ-ū ǀgoraǃgâs ǁkhās ǀkhats ge nî ǀgoraǃgâhe tsîb ge sats ra nauna ǁguiba ǂhanuba sats tsîna nî ǁguibahe.

“Xawe mâ-i hoa-i, ti mîde ǁnâu tsî ǁnâuǀnam tama-i ge ǃereamoǃnâ ǃgame-aob, ǁîb omma ge ǀgopab ai ǂnubikhâib khami ī.

Tare-i ǃaromats sa ǃgâsab mûs ǃnâ ǁgoe ǃnaob di tsaraba ra mûǃâ, sa mûs ǃnâ hâ ǃnaoba hōǃâ tama hâ? Mâtits sa ǃgâsab ǃoa nî mî: ‘A ta hui tsi tsî ǀapoba sa mûsa xu ūǂui’ ǃnao-i sa mûs ǃnâ ǁgoe hîa.

“ǃÛisen ǂkhaba kēbo-aogu sadu ǃoa gūsarab ǃnâ ra hāga, xawe ǂganagab ǃnâ ǂhira-i khami īga. ǁÎgu ǂûn ai du ge nî ǂan gu. Amase i kom ǁkhūhaisa xu draibena a ǃorahe ǁoao tsî ǀnomaǂûna ǁkhūxa haisa xu?

Mâ ǃgâi hai-i hoa-i ge ǃgâi ǂûna ra ūǀkhī, xawe ǁgai hai-i hoa-i ge ǁgaora ǂûna ra ūǀkhī.

ǃGâi hai-i ǁgaora ǂûna a ūǀkhī ǁoas ǁkhās khami i ge ǁgai hai-e ǃgâi ǂûna a ūǀkhī ǁoa.

Mâ hai-i hoa-i, ǃgâi ǂûna tani tama-i ge ǁhāǂuihe tsî nî ǂhubiǂuihe.