Popular Bible Verses from Job 2

Share

ǁÎb di taras ge ǁîb ǃoa ge mî: “Noxopats kha a ǂgomǂgomsa? Eloba ǀgoe, î ǁō!” Xaweb ge ǁîsa ge ǃeream: “ǁNâuǃāoǃnâ taradi di ǀguis khamis ge ra ǃhoa. ǃGâin ǀguina da kha Eloba xu nî ǃkhōǃoa, tsî da tsū-i xare-e a ǃkhōǃoa ǁoa?” Nēn hoan ǃnâb ge Joba mîb ge xūn ǀkha ge ǁore tama hâ i.

ǃKHūB ge ǃaruǀî Satanna ge dî: “Ti ǃgāb Joba kha ǃgaoǃgâts ge? ǁÎb khami ǂnao-o tsî ǂhauǃnâ khoe-i, Eloba ǃaoǃgâ tsî ǂkhababa ǁkhan hâ-i ge ǃhūbaib ai a ǀkhai. ǁÎb ǃoaguts gere xū-eb dī tama, xawe ǁîba ta nî hîkākāse a khâikhâiǃnâ te, xawes tsînab ge Joba ǁîb di ǂgomsa ge ǃkhōǀgara.”

Ob ge ǃKHūBA Satanni ǃoa ge mî: “ǃGâi a, ǁîb ge sa ǀgaib ǃnaka hâ, ǁîb di ûib ǀguiba sâu re.”

Jobi ǃnona horesagu ge ǁîb ǀkha ge ī tsūǃgâgu hoaga ǁnâu, ob ge mâb hoaba ǁîb ǂhunuma ǃhūba xu ge hā, Elifasi Temanǁîb, Bildadi Suaǁîb tsî Sofari Namatǁîb tsîga. ǁÎgu ge Joba gu ǀguipa gu hâse sī tsâbaǁhao tsî nî ǁkhaeǂgaose ge ǀhao. ǁÎba gu ge ǃnūseba xu mû, o gu ge ǁîba mûǃās tsîna ge hî tama hâ i tsî ǃgarise ge ātsoatsoa. Mâb hoab ǁîgu dib ge sarab âba ǀkhau tsî tsaraba danadi âgu ai tsî ǂoab ǃnâ gere tsoro. ǁÎb ge kaise gere tsâ ǃkhaisa gu ge mû, xui-ao gu ge ǁîb tawa hû tsēdi tsî tsuxugu tsîna, xū-i xare-e mî tamase ge ǂnû.