Popular Bible Verses from Efeseǁîn 4

Share

Xawe mâ khoe-i hoa-i ǃoa ǃgâiǂgaoxa î ǀûbagu, Elob ge Xristub ǃnâ-u ǀûba du khami.

Hoaǁae ǃgamǃgamsensa, tsamtsiǃnâ tsî ǃnūǃnâxa. ǁÎǃnābe ǀnammi ǃnâ taniǀnamgu.

Tā i ǁgai mî-i xare-e sa amsa xu ǂoaxa. Xawe hoaǁae ǃgâi tsî omkhâi ra mîn, ǁnâu ra khoena ǀkhaeb ase nî ībana ǃhoa.

Hoaraga au-ausenni, ǁaib tsî ǁaixasib, ǂkhupixasib tsî ǃkhāǃkhāgusa xu ū-oasen.

Sa ǁaibab tā ǁore kai tsi tsî tās soresa ǁaixats hâ hîa ǂgâ. ǁGâuaba* tā ǃēsa mā.

ǁNā-amaga sadu di ǀoro ûiǀgaub, ǁnā ǀoro khoesib ǂgaeǂhapuxa turagu dib xa ge hîkākāheba ǀû. Sadu ǂâidi tsî ǂgaogu ge gagasise ǁkhawa hoaragase nî ǀasaǀasahe, tsî du ge ǀasa khoesib, Elob īb ǃoa ge kuruheb tsî ǁîb di ǂhanu-aisib tsî ǃanusib ǃnâ ge ǂhaiǂhaiheba nî ǂgaeǂgā.

Gagab ge mā du ǀguiǃnâxasiba turaxase ǂkhîb ǃnâ ǁîǃnābe ûis ǀkha ǃkhōǀgara.

ǁÎb ge ǀnî khoena māde ge mā: ǀNîna apostelse,* ǀnîna kēbo-aose, ǀnîna ǃgâiǂhôa-aose, ǀnîna ǁkhāǁkhā-aose tsî ǀnîna ǁgauǃnâ-aose. Xristub di sorosa ǂnubikhâis ǃaromab ge ǁîba hoaraga khoen Elob dina Xristesi ǃoabas ǃaroma ra ǁâtani. Hoada ge ǀunis ai ǂgoms tsî ǂans Elob Ôab* dis ǃnâ-u nî ǀguiǃnâxa. O da ge dīǀoaǀoasa kaikhoesis, Xristub disa sīǃnâ tsî ǁîb ǁkhāb khami nî ī.

Tsî da ge ǃaruǀî ǀgôa tama, ǂgaeǂhapu-aon di ǁkhāǁkhādi xa ǃgabigu khami ra aomahe tsî mâ ǂoa-i hoa-i xa ra ǃgommahen khami. ǁÎn ge nau khoena ǁîn di ǀhôagao ǀapedi ǀkha ra tsūdī kai. Xawe amab ai ǃkhōǀgaipes tsî hoa khoena ǀnams ǀkha ǀgui da ge Xristub, hîa a danab di daogu hoagu ǃnâ nî ǀomkhâi.