Popular Bible Verses from Koloseǁîn 3

Share

a i nē-e nau-e taniǀnam tsî ǁîǃnābese du ga ǀauxūna ūhâbaguo, ǀûbagu. ǃKhūb ge ǁkhāti sado ǀûbas ǁkhās khami du ge sadu tsîna nî ǀûba.

Sadu di ǂâide ǀgapise hâ xūn ai ǂnûi re, ǃhūbaib ai hân ais ose.

Tare-i ǀgui-e du ga dī xawe ǀgaisase, khoe-i ǃaromas ose xawe ǃKhūba ra sîsenba khami sîsen re.

ǁNā-amaga, Elob di ǃkhōǂuisabedu, ǃanu tsî kaise ǀnamhe hâdu ase ǀkhomxaǂgaosib, ǃgâisib, ǃgamǃgamsens, tsamtsiǃnâsib tsî taniǀnamxasib di ǂgaob ǀkha ǂgaeǂgāsen re

As Xristub di mîsa ǃkhū hâse sadu ǃnâ hâ, sadu ra hoa gā-aisib ǀkha ǁîǃnābe ǁkhāǁkhāgu tsî ǁnamagu tsî du ra psalmdi, koatsanadi tsî gagasi tsanade ganganxa ǂgaogu ǀkha Elob ǃoa ǁnae hîa. Tsî tare-i ǀgui-e du ga dī xawe, mîs tsî dīb ǀkhas kas hoasa, ǃKhūb Jesub di ǀons ǃnâ hoana dī re Elob, ǁGûba ra ǁîb ǃnâ-u ganganse.

Tsî nē xūn hoan tawa ǀnamma ǀaro re, ǁîb hîa hoaraga xūna dīǀoaǀoasa ǀguiǃnâxasib ǃnâ ra ǃgaeǀhaoba.

ǁNā-amaga, Xristub* ǀkha du ǂkhaiǂkhaihe hâ xui-ao, ǀgapiseb di xūna ôa re, Xristub Elob di amǀkhāb ai ǂnôapa.

Ab Xristub di ǂkhîb, ǁîb ǃoab sado ǀgui khoedu ase ǂgai hâba sadu ǂgaogu ǃnâ gaosîsen, î du ganganxa re.

ǁNā-amaga ǃhūbaib din sadu ǃnâ hâna ǃgam re: ǀAib, ǃanuoǃnâsib, turab, ǂkhaba turagu, xūǃgunuxasib hîa ǁgôa-eloǃoabas ase īb tsîna.

ǁŌ du ge tsîb sadu di ûiba Xristub ǀkha Elob ǃnâ sâusase hâ xui-ao.

Xawe nēsi ǁaixasib, ǁaib, ǂkhabab, ǃkhāǃkhās tsî tsū gowan sadu di amde xu ra ǂoaxan hoana ǀgoraxū re.

Tā ǁîǃnābe ǂhumibagu, ǀoro khoesiba du go ǁîb di ǁnaetigu ǀkha a ǁguiǁnâ, tsî du go ǀasa khoesib, ǂans ǃnâ ǁîb Kuru-aob di īb ǃoa ǀasaǀasahe hâba hō amaga.

Aogo, sago tarade ǀnam, î tā ǁîdi ǀkha ǁkhōse ûi.

ǀGôado, sadu îna hoa xūn ǃnâ ǁnâuǀnam re, nēs a ǃKhūba ǃgâiba xuige.

Taraso, saso di aoga ǃnaka hâba, ǃKhūb ǃnâ i a ǂhanu khami.