Popular Bible Verses from Mk 11

Share

Jo'kan utan ninye eere: chixjunil li teetz'aama sa' li tijok, chepaab' naq ak xek'ul, ut taak'eemanq eere.

Relik chi yaal ninye eere: wi wank junaq taayehoq re li tzuul a'in: «Elen ut kut aawib' sa' palaw», chi ink'a' taawiib'anq xch'ool, tixpaab' b'an naq taa'uxq li yo xyeeb'al, taak'eemanq re.

Ut naq xaqxooqex chi tijok, wi wank eech'a'ajkilal chiru anihaq, chekuy xmaak, re naq leechoxahil Yuwa' tixkuy tixsach ajwi' eemaak laa'ex.

Kichaq'ok li Jesus ut kixye reheb': —Chepaab' li Yos.

Naxtzoleb' ut naxye reheb': —Ma ink'a' tab'i' tz'iib'anb'il sa' li Santil Hu naq li wochoch tixk'ab'a'in rochochil li tijok cho'q re chixjunileb' li tenamit? Ut laa'ex xek'e cho'q xna'ajeb' laj elq'!

Li yookeb' chi xik chi uub'ej ut eb' li wankeb' chi ixb'ej japjookeb' re chi xyeeb'al: —Chinimaaq xloq'al li Yos! Usilaatinanb'il li xchalk sa' xk'ab'a' li Qaawa'!

Osob'tesinb'il li xnimal x'awab'ejihom li qayuwa' laj David, li yo chi chalk! Chinimaaq xloq'al li Qaawa' taqe'q!