Popular Bible Verses from Mt 24

Share

Taanumtaaq li maa'usilal, jo'kan naq taakeho'q li rahok sa' xch'ool li xk'ihaleb' li tenamit. Ab'anan ani tixk'e xch'ool toj sa' roso'jik, a'an taakole'q.

Ut taapuktesimanq li chaab'il esilal a'in chirix li xnimajwal wankilal li choxa sa' chixjunil li ruuchich'och' re xch'olob'ankil li yaal chiruheb' chixjunil li tenamit: toja' naq taachalq li roso'jik.

Teerab'ihatq naq yooq li kamsij ib' malaj ut yal resil li yalok, ab'anan chek'ehaq reetal, mexxiwak! Xb'aan naq tento taak'ulmanq a'in; ab'an toj maji'aq li roso'jik.

Te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej, ut taawanje'q we'ej ut hiik sa' naab'al chi na'ajej. Chixjunil a'in a'anaq li xtiklajik li nimla rahilal.

Li choxa ut li ruuchich'och' te'oso'q, a'ut li waatin ink'a' taanume'q.

Xb'aan naq naab'aleb' te'chalq ut te'roksi link'ab'a': «Laa'in li Kriist», cha'qeb', ut naab'aleb' te'b'alaq'iiq.

“Toja' naq texq'axtesiiq chi rahob'tesiik, texkamsiiq ut xik' tex'ile'q xb'aaneb' chixjunil li tenamit sa' ink'ab'a'. Naab'aleb' te'luktaaq xch'ool sa'eb' li kutan a'an, te'xb'alaq'i rib' ut xik' te'ril rib' chirib'ileb' rib'. Te'waklije'q chaq propeet aj b'alaq' ut xiikileb' li te'b'alaq'iiq xb'aaneb' a'an.

Kichaq'ok li Jesus ut kixye reheb': —Chek'ehaq reetal re naq maa'ani chib'alaq'inq eere.

Jo'kan utan, laa'ex ajwi' yo'oon wanqex, xb'aan naq maak'a'aq sa' eech'ool naq tol'elq li K'ajolb'ej.

“Chexyo'leq b'i', xb'aan naq ink'a' nekenaw k'aru kutankil tol'elq leeQaawa'.

“A'ut chirix li kutan a'an malaj li xhonalil, maa'ani nanawok jo'q'e, chi moko eb' li ánjel sa' choxa chi moko li K'ajolb'ej, ka'ajwi' li Yuwa'b'ej.

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

“Li k'aru kik'ulmank naq kiwank laj Noé, taak'ulmanq ajwi' sa' xk'ulunik li K'ajolb'ej. Jo' rub'elaj chaq li b'ut'iha' yookeb' chaq chi wa'ak chi uk'ak, yookeb' chi k'amok ut chi k'ame'k toj sa' li kutan ki'ok wi' laj Noé sa' li jukub' kab'l, ut ink'a' ke'xtaw xyaalal toj kichalk li b'ut'iha' ut kilaje'jukuuk chixjunileb', jo'kanaq ajwi' sa' xk'ulunik li K'ajolb'ej.