Popular Bible Verses from Jn 5

Share

“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am.

Li Jesus kiril naq jiljo ut naxnaw naq ak najter rokik chi jo'ka'an; ut kixye re: —Ma taawaj k'iraak?

“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix, a'ut laa'ex ink'a' nekeraj chalk wik'in re taawanq eeyu'am.

Kixye li Jesus re: —Waklin, xok laach'ina ch'aat ut b'een. Tikto kik'iraak li winq, kixxok li xch'ina ch'aat ut ki'ok chi b'eek. Ab'anan sábado naq kik'ulmank a'an.

Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.