Popular Bible Verses from Mateo 1

Share

Huaicasoꞌ nanihuachin, quëmapiaꞌhuaya nasitapon. Nasitohuachin, Quisoso itëquëꞌ. Piyapinënpita oshanënaꞌ inquitaton, nichaꞌësarin niꞌton, ina nininën acotëquëꞌ, itërin anquëniri. Itahuaton, panantarin huachi.

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Apira Quisocristo nasitërinsoꞌ shaꞌhuichinquëmaꞌ, nitotocoꞌ. Naporo tahuëriꞌsaꞌ Cosisoꞌ, nani Maria nontërin macacaso marëꞌ. Napoaponahuëꞌ coꞌhuara mashatërasohuëꞌ, Ispirito Santo nohuanton inaora cayorin. Cosi nitotahuaton, paꞌyanin. Noya quëmapi niꞌton, yonquiarin. “¿Maꞌcha onpoꞌiya? Maria nani huaꞌhua maꞌpatërin. Co macaꞌhuasoꞌ yaꞌhuërinhuëꞌ. Co piyapiꞌsaꞌ shaꞌhuitarahuëꞌ, Maria tapanpachin. Coisëichin shaꞌhuitahuato, co masarahuëꞌ,” taꞌton, yonquirárin.