Popular Bible Verses from Juan 8

Share

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Imamiatohuatamaco, noꞌtëquën yonquiaramaꞌ. Co insontaꞌ camaiarinquëmahuëꞌ, itërin.

Ina quëran nasha imarinsopita itantarin: —Carinquëmaꞌ aꞌchintëranquëmasoꞌ noya natëhuatamaꞌ, noya imasaramaco.

Yosë huiꞌninco niꞌto, catahuahuatënquëmaꞌ, chaꞌësaramaꞌ. Co huachi insontaꞌ camaiantarinquëmahuëꞌ.

—¿Maꞌtaꞌ onpochii? Shaꞌhuitocoi, itantahuachinara, huaniantarin. —Noyahuaꞌ. Insonquëma tërantaꞌ co piꞌpian tërantaꞌ oshahuanpatamahuëꞌ, inariꞌton naꞌpiquë tëꞌyarain, itërin.

—Noꞌtëquën itëranquëmaꞌ. Co noyahuëꞌ nipatamaꞌ, sopai huaꞌan camaiarinquëmaꞌ. Piyapinënpita pochin nisaramaꞌ. Co canpitaora nanitaramahuëꞌ oshanëmaꞌ naniantamasoꞌ. Sopai camaihuachinquëmaꞌ, co noyahuëꞌ nisaramaꞌ.

Quisoso huaniantarahuaton, itapon: —¿Inso huachi, imoya, quëmapiꞌsaꞌ yaanaꞌintërinënquënsoꞌ? ¿Co huachi yaanaꞌintërinënquënhuëꞌ? itërin. —Nani paꞌpi Sinioro, itërin. —Co carinquëontaꞌ yaanaꞌintëranquënhuëꞌ. Paaton, ama huachi aquëtëꞌ oshahuaantaquësohuëꞌ. Noya niquë huachi, itërin. Napotohuachina, paꞌnin.]