Popular Bible Verses from Santiago 2

Share

Inapochachin “Cantaꞌ Yosë natërahuë,” tapomarahuëꞌ, co piyapiꞌsaꞌ catahuahuatamahuëꞌ, topinan quëran nonsaramaꞌ. Co tëhuënchachin imaramahuëꞌ.

Huaꞌyanënpoꞌ capa nipachina, co nanpirëhuëꞌ. Inapochachin topinan quëran nonpatëhuaꞌ, co noya cancantohuatëhuahuëꞌ, co Yosë natërëhuahuëꞌ. Chimipi pochin cancantatëhuaꞌ, co tëhuënchachin imarëhuahuëꞌ.

“Cantaꞌ Yosë imarahuë,” tapomarahuëꞌ, co noyahuëꞌ nipatamaꞌ, topinan quëran nonsaramaꞌ. Ina pochin cancantohuatamaꞌ, co chaꞌësaramahuëꞌ.

“Aꞌnaíchin Yosë yaꞌhuërin,” ¿tënan ti? Noꞌtëquën nonan. “Yosë yaꞌhuarin mini,” topi sopairoꞌsantaꞌ. Ina nitotopi niꞌton, tëꞌhuatatonaꞌ, ropa ropatapi. Napoaponaraihuëꞌ, co Yosë imapihuëꞌ. Co napopiso marëꞌ Yosëꞌpaꞌ paꞌsapihuëꞌ.

Aꞌnaquëmaꞌ tapomaꞌ nimara: “Quëmasoꞌ ‘Yosë imarahuë,’ taꞌton, chinotëran. Caso nipirinhuëꞌ noya ninahuë. Quëmasoꞌ Yosë chinotaponahuëꞌ, co noya nipatanhuëꞌ, topinan quëran nonsaran. Caso nipirinhuëꞌ, noya ninahuëso marëꞌ natërahuësoꞌ yaꞌnoarin,” tapomaꞌ.

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Co topinan quëran nonacasoꞌ yaꞌhuërinhuëꞌ, tënahuë. Yosë natëtëhuaꞌ, noya nipatëhuaꞌ, noya imarëhuaꞌ. Ina marëꞌ Yosë noya niꞌsarinpoaꞌ.

“Yosë noꞌtëquën nontërinco,” taꞌton, Apraani natërin. Natëton, noya noya imarin. Co topinan quëran chinotërinhuëꞌ. Yaꞌipi cancanën quëran huarëꞌ natëton, noya imarin.