Napotohuachinara, huaraonisoꞌ Cosi itapon:
—Yacapainënquënso marëꞌ tataparin, iyaparinpita, inapita oꞌmapi. Nani oꞌmapi niꞌquëhuarëꞌ, yaꞌipi Iquipito noꞌpaꞌ huaꞌanëntërahuëquë, noya inapita yaꞌhuëcaisoꞌ. Cosin parti noya noya noꞌpaꞌ ninin. Inaquë yaꞌhuëcaiso marëꞌ quëtëquëꞌ. Aꞌnaquën quëmopinënpita pëꞌtahuatacasoꞌ noyá nitotohuachinaꞌ, caquën pëꞌtahuanëhuëpita, aꞌpaicaiso marëꞌ acoquëꞌ, itërin.