Popular Bible Verses from 2 Tesalonicenses 2

Share

Niꞌcona nonpintochinënquëmaꞌ. Coꞌhuara Quisocristo oꞌmayátërasohuëꞌ, notohuaroꞌ piyapiꞌsaꞌ Yosë aꞌpoapi. Co piꞌpian tërantaꞌ yanatërapihuëꞌ. Naporoꞌ aꞌna quëmapi yaꞌhuapon. Yaꞌipi piyapiꞌsaꞌ nonpintarin ama Yosë imacaiso marëhuëꞌ. Paꞌpi co noyahuëꞌ nisarin. Sopairi noyá yaꞌcoancantërin niꞌton, chiníquën anaꞌintacasoꞌ yaꞌhuërin. Ayaroꞌ tahuëri Yosëri anaꞌintaton, parisitopiquë aꞌpararin.

Canpitaso nipirinhuëꞌ iyaroꞌsaꞌ, imaramaꞌ. Sinioro nosororinquëmaꞌ. Iráca quëran huarëꞌ Yosë huayoninquëmaꞌ huëntonënquë yaꞌconacamaso marëꞌ. Noꞌtën nanan natëhuatamaꞌ, Ispirito Santo anoyacancantërinquëmaꞌ Yosë nohuantërinso chachin nicacamaso marëꞌ. Ina yonquiatoi, Yosë nontërai: “Ma noya Sinioro inapitasoꞌ nichaꞌëran niꞌton, ‘Yosparinquën,’ ” itërai, Yosë nontatoi.

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.

Sinioro Quisocristo catahuainquëmaꞌ chiníquën cancantacamaso marëꞌ. Inaora nohuanton, Tata Yosëntaꞌ nosoroatonpoaꞌ, achinicancamiatërinpoaꞌ. Aꞌna tahuëri yaꞌhuërinquë chachin quëpantarinpoaꞌ. Shaꞌhuitërinpoaꞌ niꞌton, ina ninarëhuaꞌ. Ina yonquiatoi, canpita marëꞌ Yosë nontarai. “Nani tahuëriya Sinioro catahuaquëꞌ, chiníquën cancanchinaꞌ. Achinicancanquëꞌ noyasáchin niinaꞌ. Catahuaquëꞌ noyásha noinaꞌ,” itërai.

Napoaton, Yosëri tananpitarin nonpin nanan natëcaiso marëꞌ. Sopai nohuanton, natëapi.

Nipirinhuëꞌ, coꞌhuara ina oꞌmayatërasohuëꞌ, notohuaroꞌ piyapiꞌsaꞌ nonpintarin. Satanasëri catahuarin niꞌton, nani maꞌsha nanitapaarin nicacasoꞌ. Piyapi inaora co nanitërinhuëꞌ ina pochin nicacasoꞌ. Nonpintaton, nani maꞌsha sacaiꞌ nininsoꞌ aꞌnotohuachina, natërapi. Niꞌpachinaꞌ, paꞌyanapi. Co noyahuëꞌ nicaton, naꞌa piyapiꞌsaꞌ nonpintarin. Co noꞌtën nanan nohuantopihuëꞌ niꞌton, Yosë inimiconën natëapi, parisitopiquë paꞌsapi huachi. Yosë nanamën nohuantopi naporini, chaꞌëitonahuëꞌ.

Co Yosë inimiconën yaꞌnoyatëraponahuëꞌ, ipora chachin co incari tërantaꞌ nitotopirinahuëꞌ, nani sacatapi Yosë inimiconën huaꞌanëntacaso marëꞌ. Aꞌna tahuëriso nipirinhuëꞌ, Yosë nohuanton, yaꞌcopirinsoꞌ capa nipachin, Yosë inimiconën yaꞌnorarin.