Popular Bible Verses from 1 Tesalonicenses 4

Share

Ina quëran aꞌnaroáchin nanpirëhuasopitarëꞌquënpoaꞌ chitoroꞌ yaꞌhuërinquë quëpantarinpoaꞌ. Inaquë Sinioro nacapiarihuaꞌ. Inarëꞌquënpoaꞌ yaꞌhuëmiatarihuaꞌ.

Chiníquën nanantaton, oꞌmantararin. Anquëni huaꞌaontaꞌ chiníquën shaꞌhuirarin. Yosë nohuanton, tronpita pihuirarin. Naporoꞌ Quisocristo imatonaꞌ chiminpisopitaꞌton nanpiantarapi.

Yosë nohuantërin noyasáchin nicacasoꞌ. Ama piꞌpian tërantaꞌ monshihuancosohuëꞌ. Sanapi nohuantohuatamaꞌ, ama monshitocosohuëꞌ. Nitatomaꞌ, noya saꞌacoꞌ. Yosë yonquiatomaꞌ, noya ichiyaꞌhuëcoꞌ. Nani saꞌapatamaꞌ, inasáchin yonquicasoꞌ yaꞌhuërin.

Quisososoꞌ chiminaponahuëꞌ, nanpiantarinsoꞌ nitotërëhuaꞌ. Inapochachin imapisopita chiminpachinaꞌ, Yosëri ananpitaantarin. Quisoso isoroꞌpaquë oꞌmantahuachin, ananpitaantarin.

Nani tahuëri yonquicoꞌ sano piyapi nicacamaso marëꞌ. Ama topinan yaꞌhuëcosohuëꞌ. Yaꞌipinquëmaꞌ noya sacatocoꞌ ama pahuanchinquëmasohuëꞌ. Iráca inachachin pënënainquëmaꞌ.

Co Yosë nohuantërinhuëꞌ oshahuanacasoꞌ. Acorinpoaꞌ noyasáchin nicacaso marëꞌ.