Popular Bible Verses from Is 6

Share

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Sa' li chihab' naq kikamk laj Osías, li awab'ej, kiwil li Qaawa' k'ojk'o sa' jun k'ojarib'aal jwal ch'ina'us ut najt xteram. Nujenaq li rochoch li Yos rik'in xb'as li xb'aatal.

Kixtoch' li xtz'uumal we rik'in li lochlookil ru xam ut kixye: “K'e reetal, rik'in li ru xam a'in xinch'e' li xtz'uumal aawe. Kuyb'il sachb'il chik laamaak”, chan.

Ut sa' xb'een A'an xaqxookeb' wiib' chi ánjel sutsuukeb' xb'aan li xam; li junjunq wank waqitq xxik': junq sumal li xxik' neke'xtz'ap wi' li xnaq' ruheb', junq sumal tz'aptz'ookeb' wi' li roqeb' ut li junq sumal chik a'an neke'rupupik wi'.

Toja' naq jun reheb' li ánjel kichalk wankin wi', ut kixk'am chaq li ru xam li kixxok chaq sa' li artal rik'in jun li chapleb' ch'iich'.

Toja' naq kixye we: “Ayu ut ye li aatin a'in reheb' li tenamit: «Rik'in leexik tex'ab'inq ut ink'a' teetaw ru; teek'e eech'ool chi ilok ut maak'a' teeril».

Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.