Popular Bible Verses from Mat 7

Share

“Alheje Dios m'ak tä lewatlä wet hiw'enla amhohen. Ukwe wet lew'enla. Änch'oye Dios wet ifwoynhila ahilähen.

Tsi elh chik t'alhch'oye ikatej t'at, wet elh chik t'ukwe hiw'en t'at, wet elh chik t'änch'oye Dios, Dios ifwoynhilahlä.

“Tä mälhyejtso, elh chik iläte olhämtes wet iwoye, hätet iwoye hin'o tä yenlhi lewukwe tä iti'pe chenaj tä tunte.

“Häp m'ak tä let'uhläk aiyhäj iwoyej amehen, häte woyeje aiyhäj. Tsi täjtso häp tä nilhok Ley p'ante tälhe Moisés lhäy'e profetas lechufwenyajay.

Mat tsajihot'a lepe wet tsajichet'a n'äyij tä tiyäje n'ow'atshancheyaj, wet wuj tä atha, wet wujit'a'pe wichi tä nilhoke.

“Nukwe lepe tä nitsajaho. Tsi tsajo lepe wet tsajche n'äyij tä tiyäje n'otäyhyaj, wet wujpey wichi tä inukwe.

Lhek yahinya amel tä akni'isahen, mat lehanej tä lew'enho ales m'ak tä isen. ¿Wet chiwoye Ajchayay tä ipuleye? ¡Nemla koyhyaj tä lham hiw'enho m'ak tä isen häp lhamel tä t'alheje!

“Yej wo akalelhthayajayej aiyhäj, häpkhilek Dios nitiya amejen lakalelhthayaj. Tsi mälhyej tä amel lewo akalelhthayajayej aiyhäj, häp tä Dios itihla amejen lakalelhthayaj, yämla w'awulhi m'ak tä lewoyeje aiyhäj chik lham iwoyej amehen.

Mat häp elh chik iläte olhämtes wet niwoyaye, hätet iwoye hin'o tä ch'isuk tä yenlhi lewukwe tä iti'pe holo.

¿Chipte tä lhen atichunhayaja huphaj tä ihi aelh tatelho, wet lhenhit'a atichunhayaja amej hal'ä lhota tä wujtaj tä ihi am atelho? ¿Wok letahuyej aelh wet lhok, Ch'anlha n'oye chik olanhi huphaj tä ihi atelho? Wet lhenhit'a atichunhayaja amej hal'ä lhota tä wuj tä ihi am atelho.

“Amaj amejenlä häp profetas tä kamatachehen. Lhaitech'aynej tson'atas tä naj lakeyesa, mat häpehen t'owalhas tä fwitses. Letäfwnhiyeja lhamel chik lew'en lechumyaj, tsi lhek yahinya, uvas tälhihot'a ch'uthanil wet higos tälhihot'a istak.

Häp tä hätet iwoye, hal'ä tä is iwoye lhay tä is, mat hal'ä tä ni'isa iwoye lhay tä ni'isa.

Hal'ä tä is ihanhiyejt'a lhaiwoyneje yämthilek iwoye lhay tä ni'isa, wet häp hal'ä tä ni'isa ihanhiyejt'a lhaiwoyneje yämthilek iwoye lhay tä is.

Elhpej hal'ä tä ni'isa lhay tä iwoye, õyiset wet õ'thatho itäj.