Popular Bible Verses from Mat 2

Share

Tä lhamel yäm, tiyäjchufwi hup wet hiw'en han'äfwaj lhäy'e lako María, wet takhoschufwi han'äfwaj wet n'okwiyej. Wet ifwoyenche'pe lakhäyhis wet yen t'awayhata häp oro, lhäy'e incienso, lhäy'e mirra.

Tä Jesús nech'e iche p'ante ihi hupuy tä Belén ihi honhat tä Judea, häpe t'at lewhäy p'ante hin'o tä lhey Herodes häpe niyat. Wet iche häp hin'ol tä n'ältshantses tä lhaichufwenejen tä itetshan katetsel, lhamel tälhche tä ifwala tälhche wet nämho Jerusalén, wet tay'ätshanejlhi tä yok: –¿Chi tä ihi Judío lhayis Kaniyat tä nech'e iche? Tsi olhamel ow'en laka kates tä inuphä, wet häp tä onekhen yämthilek on'okwiyej.

Tä lhamel iläte, yikhen tä yikch'oye, wet nech'e äp n'äl kates p'ante lhamel hiw'en tä inuphä, wet lhamel lhäy'e lhip tä lakäjyaj ihi. Wet äp kates nech'e yik tä ichunch'oye lhamel yäk nichäte lew'et tä han'äfwaj ihi, wet takasitpe.

Tä tajyäme täjtso, wet lefwilhek ihi tä yok, “Yej lhäplaye Herodes.” Tä mälhyejtso, inukwe n'äyij elh tä yäple laka honhat. Tä n'ältshantses pajche yikhen, Lhawuk laka ángel lhain'ältej José tä imä wet tahuyej tä yok: –Nephä, chuma han'äfwaj lhäy'e lako wet lethane honhat tä Egipto. Ehila yäk ofwel amho, tsi Herodes t'uhikwela han'äfwaj wet t'uhläk ilän.