Popular Bible Verses from Luc 5

Share

Tä ileyej, wet tahuyej Simón wet yok: –Häne ahi häp lhip tä pitoj, wet thatayela awot häpkhilek lesakanayej w'ahat.

Simón nichulho wet yok: –Maestro, honatsi imälhewek tä olhamel ochumwethä, mat tek wo m'ak che osakanej. Mat is t'at, owoye ämet, othathiyela inät häp owot. Tä lhamel iwoye, wujpey w'ahat tä isakanej wet eyte hikw'esiche lewot.

Mat Jesús yikch'oye wichi wet ihoyepej lhipey tä wichi newahi yämthilek iwo let'alhyaja.

Onekhiyet'a lhamel tä isen, mat iyhäj tä ni'isahen häp tä oneke, yämthilek iwo lehusey iyhäja.

Tä Simón Pedro hiw'en, wet takhoschufwi Jesús wet yok: –¡Woye tä owoye, Iwuk, atonte n'ohlä, tsi tek ot'uhawetej, ohäpe hin'o tä ni'isa!

Jesús nichulho lhamel wet yok: –Häp wichi tä t'inhayaj länhay, häp tä iwatlä kachawo. Iyhäj tä newache t'inhayaj tek iwatlä.

Wet lhamel yämte ufw häp lehis, wet iwom nilhokej m'ak tä iyej wet yikche Jesús.

Tä ifwala elh Jesús ihi hupuy, wet näm hin'o tä amostas wuj tä ilän. Tä hiw'en Jesús, wet takhoschufwi tä lhaip'altsene wet yok: –Che lewoye, lehanej lewoyneje che letäyhat n'oyej ot'inhayaj. Tä Jesús iläte, wet tachumpe wet yok: –Owoye. Otäyhat amej. Wet yofwajkwet tatäy amostas wet hin'o iches.

Matkat Jesús letoyaj lhäy'e lhip tä y'ajpe honhat, wet wujpe wichi tä lhaihutepej tä t'uhläk iläte lhämtes, häte t'uhläk ichesen tä t'inhayaj ilänhen.