Popular Bible Verses from Lev 26

Share

Nilhokhiyeja ifwalas tä n'alhäy'ehilatwethä, wet ohäpkhila amel aka Dios wet ahäpkhihena oka wichi.

Wet ochenla amehen pelhay chik nichätepej lewhäy, wet honhat hiw'enla amhohen yachuyaj lhay lhäy'e häp hal'äy tä amel äk häp lhay.

“Is chik lewoye olhämtes lhäy'e ochufwenyajay, wet enay achumyaja.

“Ow'enhihola letamsek honhat, wet ihichet'ala m'ak chik aistunlawethä chik lemähen. Wet owahnhiyejt'ala chik iche itshätäy tä fwitses lhäy'e n'oka'tshayaj.

“Ot'uhla amehen wet oyämla wujpey amel, wet olehiyejt'ala tä oayen oka wichiya.

Olham ohäpe Awuk Dios, otonphähte amel tä letälho honhat tä Egipto häpkhilek nemhit ahäpehen Egipto lheley lakwenkay. Osohte amejen alhuk tä choyhat, wet nech'e häp tä akäjyaj ihi tä lhekhen.

Olham oihla amejen wet ihichet'ala ot'ulhnhayaj chik oti amejen.

Lhawuk yok: –Yej lhenlhi amhohen acheyälis wok m'ak at chik häpe lepeyak chik len'okwiyej. Yej kasthayen tuntey tä akwey lhenhay chik letihi aka honhat. Isit'ak let'upeyejchä lhamel häpkhilek lewo han'okhayajayej, tsi olham tä ohäpe amel Awuk Dios.

Lhäy'ehila lhip tä wuj aka yachuyaj. Nekchämpej letufwayhla m'ak tä lhen akapucheya häp nekchäm elh tä tajyäme, pajla'tha letaläyej, lewomla t'at tä lewo w'eta iyhäj tä nech'e lelanhi.

Chik cinco amel, wet cien atayhfwas tä nowayhla amehen. Wet chik cien amel, wet diez mil atayhfwas tä nowayhla amehen, wet lelänhihena lhamel.

Letufwayhla yachuyaj lhay pajla'tha nichäte ifwala tä lelanhi uvas. Wet nofwit'ala uvas pajla'tha nichäte ifwala tä äp letutcheyhen. Let'ekhihena pajla'tha lhipsen, wet atamsekis ihihila tä lheyayhihila aka honhat.

Amel lelänhihena atayhfwas wet lhokwosila lhamel.

Is chik lhen amajcheta häp ifwalas tä n'ot'elakw'et wet en amajchetayej ow'et tä ot'amajchet. Olham tä ohäpe amel Awuk.