Popular Bible Verses from Juan 4

Share

Dios häpe Espíritu, wet häp tä wichi tä n'okwiyej iwohiyet'ak lhamel nitiyayej len'okhayaj tä matche, häp tä isej Espíritu tä T'amajchet.

Mat nek lewhäy, wet häpe t'at athana, tä wichi itihiyeja Lhajcha häp len'okhayaj tä matche, häp tä isej Espíritu tä T'amajchet lakhajyhayaj. Tsi häp täjtso tä Lhajcha t'uhläk wichi iwoyeje tä n'okwiyej.

Mat elh che iyäyej inät che olham ow'enhihola nemla yachajo che ichimpej. Tsi häp inät che olham ow'enhihola lhayenla ts'ifwikahi, yämlek nichäte lew'atshancheyaj tä t'un.

Jesús nichulho wet yok: –Che letäfwnhiyej m'ak tä Dios yen n'otw'ayhata, lhäy'e hin'o tä t'alhej ame inät, amhin'e t'at che let'alheje wet lham hiw'enhin'e amho inät tä n'ow'atshancheyaj.

Mat Jesús yok: –M'ak tä olham olhäk häpe t'at tä owoye lenech'ethayaj häp Elh tä lechenekn'o, yämthilek wak'alh lechumet.

Wet atsinha yok: –Mat lhek yahinya, lew'enhit'a lehi yämlek letonphä inät, wet n'opekna wuj tä atojchä inät tä ihi. ¿Chi letälhthi inät tä n'ow'atshancheyaj?

Tä atsinha iläte täjtso, wet yok: –Ohanej tä nämlapa N'ofwayhthi tä Dios Chenek, wet che näm häpkhilek ikalelhät n'ohohen nilhokej m'ayhay. Jesús nichulho wet yok: –Häp hin'o tä lhämetso, häp tä yämlhi amho, tsi ohäpe t'at.

–Lhuyay, yahnaye häp hin'o tä ifwel n'oho nilhokej okeyes tä owoye. ¿Etp'i häpe N'ofwayhthi tä Dios Chenek?