Popular Bible Verses from Gén 35

Share

Wet Dios äp tahuyej wet yok: –Ohäpe Dios tä lajit letumfwaya. Wo alesa, a'äm wujpey. Tälhila ame wichi tä w'enhache lhamej, wet ihichela niyatey tä iyej ales tä tatay alhoho. Häp honhat tä ow'enhohte Abraham lhäy'e Isaac, häte am ow'en amho wet äp ow'enhihola ales tä lepes lheley.

N'ahoye'thahya häp Betel, wet oyenhilhila kanhi altar yämthilek owunit Dios tä tach'ot n'oye täjte olhakli ihi. Wet honhatpej tä onukwe lham nek n'okwe wet iwo ot'unfwaya.

–Am ey Jacob, mat nemla ey täjtso. Tälhe fwalana ey t'at Israel. Wet häp tä mälhyejtso tä Dios iwo elha Jacob lhey wet yen lheya Israel.

Tä mälhyejtso, Jacob tahuyej lew'et lheley lhäy'e nilhokej wichi tä iyej, wet yok: –Wom nilhokej dios lhayis tä w'enha lhamejen tä i'amejen. Wet is chik nilhokej amel lenay wet alejwethä wet wo iyhäja haw'uyis.

Dios tahuyej Jacob wet yok: –Mäh hoye Betel wet en haw'eta. Wet chik lhehi, enlhila n'oho altar, tsi ohäpe Dios tä lhain'älit amej tä lelethanlä achila Esaú.

Matkat Raquel tatäy lhimphaj wet y'il t'at. Wet lhämtes tä tajlhama häpe t'at tä iwo lheya lhäs wet yok: –Lhey Benoni. Häpet tä iwoyetso, wet y'il. Matkat lajcha Jacob yen lheya Benjamín.