Popular Bible Verses from Gén 25

Share

Wet Lhawuk nichulho wet yok: –Iche täkwfwas nä'tshas tä i'amhi tä häpkhila letetsel wichi tä lhaiw'enhathen. Häp tä tamenej tä lhaihutwethä tä kamaj nichätahchä lhamel. Elh lakhajyhayaj inuhla'pe elh, wet lech'inij yenla lakawoya häp lechila.

wet tahuyej lech'inij wet yok: –¡Oy'el wet onchuyu! ¡Kelit, w'en n'oho lhiphaj apenek tä ichäthi! Täjtso häp tä tamenej tä Esaú lhey elh p'ante Edom, tä yiwitej n'olhämet p'ante yok, Ichät.

Wet Rebeca tek iwo p'ante lelesa, häpe atsinha tä sufwnaj t'at. Wet Isaac y'alhyene Dios, wet Dios nichulho t'alhyaj wet häp tä nech'e hich'otshan Rebeca.

Esaú yok: –Lew'en t'at tä wuj tä onchuyu, oy'ilej nehlä. Niwohit m'ak chik oisej tä ohäpe elh tä n'ochunkatsek. Jacob yok: –Unhatche n'oyej ämet athana. Wet Esaú hit'unhatche lhämet tä iwoyeje lech'inij, tä hiw'enho t'at lham len'ohyaj tä häpe n'ochunkatsek.

Wet elh tä imälheche len'äyij itsok t'at elh sät tä nichätchä. Häp tä tamenej tä lhamel yen lheya Jacob. Tä Rebeca iwo lelesa, Isaac hiw'en p'ante sesenta nekchämis.

Wet Isaac wuj tä ihumin Esaú, tsi ikän itshäwet tä Esaú ichäjpej tä tälhe tayhi. Wet Rebeca ihumin Jacob.