Popular Bible Verses from Gén 17

Share

Tä Abram hiw'en p'ante noventa y nueve nekchämis, Lhawuk lhain'ältej wet tahuyej tä yok: –Ohäpe Dios tä lajit letumfwaya. Woye m'ak tä one'tek lewoye wet amaj amej häpkhilek newache ates

Nemla ey Abram tä yok, N'ojcha tä lewujyaj ihi. Mat tälhe fwalana eyla Abraham tä yok, Wujpe wichi lajcha. Tsi oayen häpeya wujpey wichi tä w'enhache lhamej lajcha.

Wet olhämet tä owoyej ame lhäy'e ales tä tatay alhoho, häp täja: Lajit lepesa tä ohäpkhila aka Dios wet ohäpkhila ales laka Dios yäk nichäte lepes lheley.

–Häp täja olhämet tä owoyej ame: Ahäpkhila lajcha wichi tä wujpey tä w'enhache lhamej.

Dios nichulho wet yok: –Kha, hach'efwa Sarahilak iwo äsa, wet lhenla lheya Isaac. Wet lhamlak omattejche olhämet, lhäy'e leles tä lepes lheley yämlek tiyäj'attsiy.

Am lhäy'e lhamel ow'enla amhohen honhat tä Canaán, häp honhat tä kahaw'eta tä lhehi athana, wet häpkhila ales laka honhat yämlek tiyäj'attsiy, wet ohäpkhila lhamel laka Dios.

Tä Abraham iläte, t'upeyhchä pajtha letacho taj honhat. Wet iti lhamhi letichunhayaj tä yok, “¿Chiwoye hin'o tä hiw'en cien nekchämis, nech'ehilak lech'efwa iwo lhäsahlä? ¡Tsi Sara lhamtej hiw'en noventa nekchämis!” Tä letichunhayaj mälhyejtso, lak'aj t'ischeyhi lhamej.

Dios ifwenho Abraham wet yok: –Hach'efwa Sarai nemla lhey täjtso. Tälhe fwalana lheyla Sara.

Tälhe fwalana is chik õyiset lho t'äj häp han'äfwaj chik häpe chik hiw'en ocho fwalas tälhe tä nichätchä. Häte iset lho t'äj häp akawo chik häpe chik nichäthihchä haw'et, lhäy'e akwenkay tä tälhe wichi tä w'enha lhamej tä lechäjej aka chinaj t'äj. Tsi täjtso häp tä lhatetnekej lhalhämet tä y'at'unhatche n'amejen, amel lhäy'e olham.

Mat Isaac t'at tä ot'untejche olhämet, häp Sara lhäs tä iwohiyela ahilä chik nichäte lewhäyna chik nekchäm elh.

Tälhe fwalana is chik õyiset lho t'äj häp han'äfwaj chik häpe chik hiw'en ocho fwalas tälhe tä nichätchä. Häte iset lho t'äj häp akawo chik häpe chik nichäthihchä haw'et, lhäy'e akwenkay tä tälhe wichi tä w'enha lhamej tä lechäjej aka chinaj t'äj. Tsi täjtso häp tä lhatetnekej lhalhämet tä y'at'unhatche n'amejen, amel lhäy'e olham. Elh weihalhapej iwohiyet'ak n'olhijtsek newayej t'isan, häpkhilek n'äl tä nittäya olhämet tä owoyej amehen.