Popular Bible Verses from Ecles 9

Share

M'ak at che häpe che lhenlhi, wet akhajyenej. Tsi lhip tä lehoye tä häpe honhat tä n'op'itseyhay lew'et, ihichet'a n'ochumyaj, wok n'otichunhayaj, wok n'otäfwnhayaj, wok n'ohanyhayaj.

Wet iche m'ak elh tä ow'ene tä ihonhatena. Tej che hin'o iläfwel, mat inuhit'a'pe iyhäj tä yenlhi carrera. Tej che hin'o lakhajyhayaj ihi, mat ikalhihit'a laka'tshayaj. Tej che hin'o lehanyhayaj ihi, mat iche tä lhäk ihihit'a. Tej che hin'o nitäfwel m'akej, mat iche tä m'ak niw'ena. Tej che hin'o lehusek ihi, mat iche tä õyen at w'et m'aka. Tsi chejiphälat näm lewhäy tä hin'o lewit'äyhyaj ihi, wet ihanhiyejt'a iwoyneje.

En akäjyaja tä lehumin aelh tä lhewej nilhokej ifwalas tä m'ak nitälhaye tä Dios hiw'en amho tä kamaj leläyhi tä lhe honhatena. Tsi häp täjtso m'ak tä is che lewoye tä kamaj letachumlhi tä lhehi honhat.

Lhek akäjyenejlhi äk tä letufw lhäy'e hat'es tä leyäyej, tsi häp tä Dios akäjejlhi achumtes.

Lhäy'e lhip tä laha ihi n'ohanyhayaj, tehit'a iwoye nifwotaj kwelheley. Mat hin'o tä lech'isukyaj ihi ihämthen m'ayhay tä isen.

Ahantsaj lhämtes iwo tamseka iyhäj tä tach'ahuye, tehit'a iwoye amukwelis kaniyat t'änyajay.

Tsi häp tä lhamel tä iläyhiche ihanej t'at tä y'inhihena t'at. Tha mat tseyhay m'ak ihanhiyejt'a, wet niwohit m'ak che ikalhi, wet õhp'ethetlä lhamel.