Popular Bible Verses from Ecles 7

Share

Yej kelitphä awäkw, tsi n'owäkw yen w'eta elh tä amukwe lehusek.

Che is alhoho han'äyij, wo akäjyaja. Che ni'isa alhoho, en atichunhayaja tä Dios t'at tä ni'isyena alhoho wok isyen alhoho, wet lehanhiyejt'a m'ak tä ihichela.

Laha ihi che taj lepes m'ayek, tehit'a iwoye tä õ'wo tesa. Laha ihi che õ'teläytej m'ak tä iche, tehit'a iwoye tä õlhaichäjlhi.

Matche t'at tä newache hin'o che le'isyaj ihi tä ihonhatena che iwoyepej m'ak tä is alhoho wet niwoya lech'isukyaja.

Tsi n'ohanyhayaj häpe n'op'ot, wet n'op'ot t'at chinaj t'äj. Mat hin'o isej lehanyhayaj, tsi häp tä lew'atshancheyaj tälho.

Laha ihi hin'o tä is, tehit'a iwoye kacha tä lenij akäjche. Laha ihi ifwala tä hin'o ileyej honhat, tehit'a iwoye ifwala tä nichäthihchä.

Laha ihi che õtch'ahuye elh tä ihan honhatej lefwonkanyaj. Tha mat at elh tä amukwe letenek isit'ak õtch'ahuye.

Laha ihi che õ'hoye hup tä elh tä nem iche lew'et, tehit'a iwoye tä õ'hoye hup tä n'okäjyaj lew'et. Tsi n'ot'ilek häp tä hin'o lakapes, wet lhamel tä iläyhiche is che yen tichunhayaja.

Elh tä lechowej ihi yen tichunhayaja t'ilek. Mat häp elh tä laj lechoweja yen tichunhayaja lakäjyaj.