Popular Bible Verses from Col 3

Share

mat teläytej t'at aelh che häpe, wet che iche aelh letes, täyhat. Mälhyej tä Lhawuk itäyhat amejen ates, häte täyhthen aiyhäj letes.

Tihi t'at ahusey m'ayhay tä ipuleye, wet yej lhen atichunhayaja m'ayhay tä lew'et honhat.

M'ak at che häpe che lewoye, is che häpe t'at m'ak tä tälho ahusey, hätet iwoyek Lhawuk t'at tä letachumhoplhi, häpkhit'a hin'ol.

Dios aihumnhen wet tatshupi amehen yämlek ahäpehen t'amajchetes. Tä mälhyejtso, enpej haw'uya hap'altsenyaj tä tälho ahusey tä letiyej aiyhäj, wet ch'otyeneje m'ak che isej. Yej alechäjwethä, yej afwitses, yej lhak'alwethä

Is che Cristo lhämtes iwo w'etahiche ahusey wet wuj tä takäpfway amehen. Chufwen amejen m'ak tä lehanej, wet päyne aiyhäj m'ak tä is alhoho. Tä lechoywethä, n'okwiyej Dios, wo akäjyaja tä tälho ahusey, ten salmos lhäy'e iyhäj n'otenkay tä isen. Wet m'ak at che häpe tä lewoye, wuntej Lhawuk Jesús, wet wo graciasayej Dios Lhajcha häp tä isej Lhawuk Jesús.

Wet häp m'ak tä inu'pe tähestso, en haw'uya ahumnhayaj, tsi häp tä lhamya m'ak tä yäyitwek nilhokej tähestso.

Tä mälhyejtso, tä pajche lenukwephä tä lep'akayej Cristo tä tälho n'op'itseyhay, enaypej atichunhayaja m'ayhay tä isen tä ikaphä tä ihi tä Cristo tatayhiphä tä ihi tä Dios lefwomkat.

Wet is che n'otamsek tä tälhe Cristo lhayen niyatayej ahusey, tsi häp täja tä Dios t'änej amehen yämlek aweihalhahchä, hätet iwoye t'isan weihalha. Wet wopej graciasa.

Tä mälhyejtso, länhen nilhokej akeyes tä ni'isachehen tä tälhe honhat. Isit'ak wo elh chik häpe iwoye lakain'oyaj wok m'ak tä kok'aye, wet yej alhachajaye amukwehyajay wok anech'ethayajay tä ni'isachehen. Wet yej alhen häpeya iyhäj tä alhaknhatses, tsi hätet iwoye chik lhen häpeya aka dios m'ak tä lelhak'alch'oye.

Tsi tä pajche lep'akayej Cristo tä let'inhen, haw'atshancheyaj tä matche kamaj n'änhit'a, tsi iyej t'at Cristo tä iyej Dios.

Mat athana leyayej awäk lhäy'e tä afwitses, lhäy'e han'äyihyaj, lhäy'e tä lesitäyen aelh, lhäy'e ämtes tä kok'achehen.

Yej woyej amehen ämtes tä kamatachehen, tsi pajche lelanayhi achowej wumek lhäy'e akeyes tä pajche, wet nech'e lhen haw'uya achowej elh tä nech'ayek, häp m'ak tä Dios inech'aynhipej, lhäy'epej lhip, lhäy'epej lhip, tsi t'uhläk aitech'ayen lhamej yämthilek lhäy'e lhip tä letäfwelayej.

Wet amel tä hin'ol tä hach'efwas ihi, humin hach'efwas, wet yej afwitsaje.

Nä'tshas, woyayepej m'ak tä ajchalis lhäy'e akolis ne'tepej che lewoyaye. Tsi häp tä Lhawuk ihuminche täjtso wet t'uhawetej che Dios laka wichi iwoye.

Atsinhay tä hach'efwas ihi, en awuhuya hach'efwas, tsi häp täja m'ak tä t'uhawet amejen che lewoye tä ahäpehen iyhäj tä ichaye Lhawuk.