Popular Bible Verses from 2~Tes 2

Share

wet yej tach'anlhaye chik elh at chik häpe ikan amejen. Tsi chik kamaj ninäma ifwalatso, wujla'pey wichi chik iwomla Dios wet tatayhlä, wet n'änhila Hin'o tä häpe M'ak tä Ni'isa T'isan, häp elh tä n'otäyhyaj lhäs.

Mat olhamel owopej graciasayej Dios atapehen, ipuhfwas tä Lhawuk lehumnhay, tsi Dios tatshupi amehen yämthilek ahäpehen wichi tä ichun tä ikatej n'ofwayhyaj, häp tä isej laka Espíritu tä ayen t'amajchetesa lhäy'e tä let'ekhaye m'ak tä matche.

Lhamtso tatayhlahlä nilhokej m'ak tä õyen lheya dios lhayis lhäy'e tä õ'tiyej n'on'okhayaj, wet häte yenla lew'eta Dios Lew'et tä T'amajchet, wet tatayhihiphäla wet yohlak, “Olham ohäpe Dios.”

Wet athana oy'alhyen amehen häp Lhawuk Jesucristo lhäy'e Dios Lhajcha tä n'aihumnhen, lhäy'e tä n'aip'altsenhen tä iti n'amejen lakhajyhayaj tä najit lepesa lhäy'e lhaniwhayaj tä is. Is chik wuj tä ikhajyenhen ahusey, yämthilek matche tä isen nilhokej ämtes lhäy'e m'akpej tä lewoye.

Häp tä tamenej tä Dios yen n'otkanyaj kwenkaya lhamel, yämthilek t'ekhaye m'ak tä kamatache.

Wet häpet Hin'otso tä häpe M'ak tä Ni'isa T'isan chik näm, oyok, Satanás lakhajyhayaj nekhichela, wet yenhilhila m'ayhay tä iselkathiyeja wichi, lhäy'e letetnhay tä kamatachehen. Wet yenhilhila nilhokej m'ayhay tä ni'isachehen tä ikanejen wichi tä ihoye t'at letäyhyaj, häp lhamel tä nitchumahlä m'ak tä matche mat y'ulhan, wet tek tafwayhen.

Ifwalasna iche t'at häp M'ak tä Hich'atej tä Ni'isa tä tälhe Hin'otso. Tej tä nin'äla, mat ihi t'at honhat. Mat chik õ'tihiyeja kanhi häp n'okhajyhayaj tä itsoklhi