Popular Bible Verses from Marcos 13

Share

Y tunor e gente tara tor e rum c'ani uxejb'iob' iut umen taca que war ixc'upseyan tamaren. Pero tin e axin uq'uec'ojse uyalma tamaren y xe' machi uyacten este que ac'apa tunor era c'ani acorpesnob', che e Jesús.

Y tamar era turuanenic b'ixir, y ch'ujcunic iwira tua' inata lo que war anumuy. Y c'ajtinic taca e Dios porque machi war inata tuc'a hora tua' achecta watar tunor era.

Pero conda ixq'uejcha ixixin tut e nuquir ajc'amparob' cocha era ira ib'ijnu tuc'a tua' iware tua' icorpes ib'a. Y ira iwacta a'jni ijor tama tunor era. Y tamar era arenic intaca lo que a'jc'unox umen e Dios tama e hora yaja', porque mix jax nox xe' tua' ib'ijnu ixojron tama e hora yaja' sino que jax Unawalir e Dios xe' tua' uchiox ixojron lo que uc'ani tua' iware tama e hora yaja'.

Pues tunor ut e q'uin y tunor or e rum c'ani ac'apa, pero niwojroner machi tua' ac'apa, sino que uc'ani tua' ac'apa achena tunor b'an taca cocha war inwareox era, che e Jesús.

Entonces ojron e Jesús y che: —Mamajchi war unata tuc'a día y nien tuc'a hora conda c'ani inchecta waten otronyajr. Machi war unatob' e angelob' xe' turob' tut e q'uin y nien nen xe' Uyunenen e Dios machi war innata tuc'a hora tua' inchecta waten, sino que ajtaca Catata Dios xe' war unata.

’Y conda iyub'i que watarix e tz'ojyir tama inte' lugar o tama otronte' lugar, ira ixb'acta, porque b'an tua' anumuy b'ajxan que merato ac'otoy e día conda c'ani ac'apa tunor era.

Turuanenic b'ixir nox porque machi war inata tuc'a hora tua' asutpa watar e ajyum otot era. B'ajc'at achecta watar e ajyum conda war acb'are, o b'ajc'at achecta watar tuyuxin e acb'ar, o b'ajc'at achecta watar conda a'ru e ac'ach, o b'ajc'at achecta watar conda war asacojpa. Porque jay e ajyum otot era achecta watar wacchetaca, b'ajc'at utajwiox que war ixwayan. Pues tunor lo que war inwareox era, war inware tunor e inmojr gente ub'an, que turb'anic ib'a tua' ib'ijnu tamar lo que war anumuy tua' uyub'iox iwira tuc'a tunor era, che e Jesús.

Y ayan e nación xe' c'ani aq'uijna upater otronte' nación este que axin uyajc'u ub'ob', y ayan e nación xe' c'ani uche e tz'ojyir upater otronte' nación. Y watar e sian yujcb'ar tama meyra lugar, y watar e sian winar, y c'ani apuc'ujq'uiob' e gente axin. Pero tunor era jax tocto ucajyesnib'ir tunor e c'uxner xe' tua' watar.

Pero antes que ac'apa tunor era, uc'ani tua' achecsuna tunor e ojroner tama e corpesiaj tama tunor or e rum.

Porque meyra ajmajresiajob' watob' xe' c'ani uyareox tama nic'ab'a que: “Nen e Cristoen.” Pero majax, y c'ani axin umajresob' meyra gente taca uyojroner era.

’Pero nox iwiric ib'a, porque ayan tin e c'ani uq'uechiox ixixin tut e ajc'amparob', y nox tua' ixq'uejcha ixixin tama inte' sinagoga tua' ixjajtz'a. Y watar e hora conda nox tua' ixarob'na tua' ixc'otoy ixwawan tut inte' gobernador o tut inte' rey umen taca que war ixc'upseyan tamaren, y tamar era erer iwareob' tunor niwojroner.

Porque achecta watar cora winicob' xe' tua' o'jron y che: “Nen e Cristoen”, pero majax sino que ajtaca war umajres e gente axin. Y ayan tin e c'ani achecta watar xe' tua' o'jron y che: “Pero nen jaxen inte' profeta tua' e Dios”, pero majax. Y jaxirob' tua' axin uchiob' meyra seña y tua' uchiob' meyra milagro tut e gente, y tamar era c'ani umajresob' meyra gente este que axin umajres ani ub'an tin e sicb'ab'irob'ix umen e Dios.

Entonces ojron e Jesús otronyajr y che: —Conda war ac'apa tunor e día tua' e c'uxner era c'ani ecsib'a e q'uin, y e luna c'ani amactz'a uwirnar. Y meyra lucero tua' o'jri watar tut e q'uin, y tunor e nuxi c'otorer lo que ayan tut e q'uin axin anijquesna ub'an.