Popular Bible Verses from Lucas 13

Share

Y e Jesús che: —Turb'anic ib'a tua' ixochoy tama e puerta xe' int'um taca ut tua' ixc'otoy tama uchinam e Dios, porque c'ani inwareox era que ayan meyra gente xe' c'ani uyusre o'choyob' tamar, pero machi tua' o'b'nob'.

Y tujam e gente xe' turob' tama e sinagoga era ya turu inte' ixic xe' ayanix dieciocho año que ajmuac. Pues e ixic era quetpa c'ototoj upat umen inte' mab'amb'an mein, y tamar era machi uyub'i a'chpa awawan. Y conda e Jesús uwira e ixic era, upejca y che: —Ixic, loc'oyix amuaquir y tz'acpesb'iret ixto ya', che e Jesús.

Entonces e Jesús upacb'u uc'ab' tama ujor e ixic, y wacchetaca tutz cajb'a upat y cay utattz'i uc'ab'a e Dios.

Y tama e tiempo yaja' tin e nuquir winic tara tor e rum c'ani aquetpa que majax nuquir winic, y tin e majax nuquir winic tara tor e rum c'ani aquetpa nuquir winic yaja', che e Jesús.

Conda inte' ajyum otot ac'apa umaqui e puerta tua' axin awayan, nox xe' warox patir c'ani icay ipejca tut e puerta y che: “Cawinquiraret, pasa apuerta.” Pero e ajyum otot tua' asutpa uyareox y che: “Machi innata tia' tariox.”

Pues c'ani inwareox era que majax b'an. Y nox, jay machi ixsutpa iwacta imab'amb'anir, nox ub'an tua' ixixin ixchamesna, che e Jesús.

Pero e ajyum otot asutpa uyareox y che: “Inwareoxix que machi innata tia' tariox. Loq'uenic tara tunorox xe' ajmab'amb'anirox.”

Pues ojron e Jesús otronyajr y che: —¿Tuc'a tua' inwareox que lar tacar uchinam e Dios? ¿Tuc'a ojroner tua' inchecsu tiut que b'an uchinam e Dios? Uchinam e Dios lar tacar ut e mostaza que motor que chuchu ut e semilla era pero conda apajc'a umen inte' winic y acay ach'i' aquetpa inte' nuxi te' tia' erer ac'otoy aturuan e mut tama uc'ab' y tia' erer uche usijcob'. Y b'an uchinam e Dios ub'an. Tama ucajyesnib'ir imb'ijc taca ayan e gente tamar, pero axin ab'oro este que aquetpa inte' nuxi chinam, che e Jesús.