Popular Bible Verses from Santiago 5

Share

Checsunic ib'a tut e inmojr ajc'upesiajob' inte' intiox y c'ajtinic taca e Dios tama inte' intiox tua' ixtz'acpesna. Porque conda uc'ajti taca e Dios tin e erach, erer uch'amiob' meyra lo que imb'utz tua'.

Pues jay ayan inte' tijam xe' war unumse ub'a, uc'ajtic taca e Dios. Y jay ayan inte' tijam xe' war atzay, uc'aywijresic inte' himno tut e Dios.

Y conda ic'ajti taca e Dios tujor e ajmuac era taca ic'upesiaj, entonces c'ani atz'acpa y Cawinquirar c'ani ujachi e ajmuac era otronyajr. Y jay ayan umab'amb'anir e ajmuac era Cadiosir axin ac'umpa tacar.

Y jay ayan inte' tijam xe' ajmuac, upejquic cora anciano tua' e grupo ajc'upesiajob' tua' watar uc'ajti taca e Dios y tua' usajpi ut e ajmuac era taca e aceite tamar uc'ab'a Cawinquirar.

natanic que tin e cay utacre tua' uyacta e mab'amb'anir era war utacre tua' acorpesna uyalma tama e chamer, y war uche tua' ac'umpa e Dios tacar tama tunor umab'amb'anir. Tara ac'apa tunor niwojroner, che e Santiago.