Popular Bible Verses from 2 Pedro 3

Share

Y motor que numuy meyra tiempo cocha cab'ijnu non, pero Cawinquirar Dios c'ani ac'apa uche tunor lo que che jaxir. Pues jaxir war acojcsan, porque machi war uc'ani tua' asatpa nien incojt winic tara tor e rum, sino que warto uquisu e día axin tua' ererto uyactob' tunor umab'amb'anirob' y tua' asutpob' tut e Dios.

Pues entonces niwermanuox xe' inchoj iut nimener, ira inajpes que tut Cawinquirar Dios inte' día aquetpa b'an cocha 1,000 año, y que 1,000 año aquetpa b'an cocha inte' día tut jaxir.

Entonces canoenic más tama utacarsiaj e Dios y ch'ienic tamar lo que icani tama Cawinquirar xe' jax Cawajcorpesiaj Jesucristo. Catattz'ic uc'ab'a iraj iraj. Amén. Tara ac'apa tunor niwojroner, che e Pedro.

Pues entonces c'ani ac'otoy e día tua' Cawinquirar Dios b'an cocha conda achecta inte' ajxujch acb'ar. Pues tama e día yaja' c'ani atijresna tunor ut e q'uin taca inte' nuxi quiricnar xe' imb'ac'ajr uyub'nar, y tunor lo que ayan tut e q'uin c'ani ac'apa ajacha umen e c'ajc, y tunor or e rum y tunor lo que ayan tamar c'ani ac'apa asatpa ub'an.

Entonces cocha chequer que c'ani atijresna tunor lo que ayan, b'ijnunic era cocha uc'ani tua' caturuan tut e Dios y tut e gente. Porque e Dios uc'ani tua' caxin cache jax taca lo que erach tut jaxir tama e tiempo era conda war cacojco tua' ac'otoy e día yaja'. Y c'ani catzay cacojco uyopar e día yax. Pues tama e día yaja' c'ani atijresna tunor ut e q'uin, y tunor lo que ayan c'ani ac'apa ajacha umen uyamir e c'ajc.