Popular Bible Verses from 1 Juan 2

Share

Y ira ic'ani lo que uc'aniob' e gente tara tor e rum xe' mab'amb'an, y ira iyusre ich'ami lo que ayan tara tor e rum xe' mab'amb'an. Porque jay b'an iche, chequer que machi war iyajta ut Catata Dios. Porque machi tari tua' Catata Dios lo que ayan tara tor e rum xe' mab'amb'an sino que tari tamar taca e mundo. Y lo que ayan tara tor e rum jax era: Lo que uyusre uche uwerir e gente, y lo que uyusre uwira unac'ut inte' xe' mab'amb'an, y lo que uyusre inte' tua' utattz'i ub'a tamar.

Pero tunor lo que ayan tara tor e rum y tunor lo que uyusre uche uwerir inte' xe' mab'amb'an c'ani ac'apa. Pero tin e uche lo que uc'ani e Dios machi tua' ac'apa.

Entonces tin e war che que intera ub'ijnusiaj taca e Dios uc'ani tua' axana b'an cocha cay xana e Jesús conda turuto tara tor e rum.

Pues entonces nox xe' b'anox cocha nimaxtac, nen era war intz'ijb'a tunor era tib'a tua' inata que machi ixto tua' ib'ijnu iche e mab'amb'anir. Pero jay ayan tin e axinto uche e mab'amb'anir ayan Cawajcorpesiaj xe' jax e Jesucristo xe' erach xe' erer o'jron upater tut Catata Dios tua' atacarna aloc'oy tama tunor era.

Pero jay ayan tin e o'jron y che: “Nen imb'utzen tut e Dios”, xe' che inte', pero jay machi war ac'upseyan tut uyojroner e Dios chequer que war amajresian y que matuc'a xe' erach tamar.

Pues erer canata que c'otoy caquetpa imb'utz tut e Dios jay war cac'upseyan tut uyojroner iraj iraj.

Pues b'ajc'at ayan inte' xe' o'jron y che: “Pero nen war inxana tama e janch'aquenar”, xe' che inte'. Pero jay war uxejb'e ut uyet ajc'upesiajir chequer que turuto tama e incsib'aner.

¿Y chi ca nic e ajmajresiaj? Pues jax tin e che que e Jesús majax e Cristo, xe' war che que e Jesús machi ani uyub'i ucorpeson tama camab'amb'anir. Y e ajmajresiaj jax ub'an tin e war aq'uijna uwira e Cristo y xe' che que matuc'a ani uc'ampib'ir Catata Dios y xe' che que b'an ani e Cristo ub'an.

Tunor tin e umuqui uc'ab'a Uyunen e Dios machi turu Catata Dios tamar. Y tunor tin e uchecsu que turu Uyunen e Dios tamar turu Catata Dios tamar ub'an.