Popular Bible Verses from Apocalipsis 9

Share

Atirificai afohuunoashu nayamafiacani aton chaca shatuafoma Upa Dios tanashcaquin. Ascatamarocon yoshin chacafo tanamisifo cuscan shatuyamafain oro iyamarai cuno oshopa sharashta non cuno futsan ahuun anu bronce non toquiri non ihuirifi ramihuafo. Ascafia nanfoancai ahua oinyamafain nicatirofoma raquiri cahuascatirofoma, —Naan nocon Dios. Non ahuun noiran, —ishon yoimisifo cuscan shatuafoma. Ascashon chaca futsa futsatapafo huamisifo cuscan shatuafoma. Rutumitsamisifo cuscari shatuyamafain shointian cuscan shatuyamafain nocofunufo aton ahuinma fu imisifo cuscan shatuyamafain ainfofori nanscarifiaifono. Onumisifo cuscari shatuafoma. Ascashu nanfo chacacoinfiashon tsoan aton chaca shatuafoma nocon Ifo Jesucristo tanasharashcaquin.

Ascatan nan coinmahuan murannoashu ocutsuru cuscarafo ichaparasi mai ano nichian. Diosin ato fasi pofucoin ima inapapia cuscara inonfo. Ascashon ato yonoa isca huaquin, —Mai anoafo fasifo yafi fanafo non ihuifori chacana huayamacahuun. Ascan tsoan uhuun yorafoma aton fumananquiri uhuun anu nutamuafoma nanfo fusti man ato tucatiro. Ascafia ato rutuyamacahuun. Ato rututama mucu fustiti oshu man ato omitsiscahuatiroran, —ishon ato yonoa. Ascacun ato tucafoanno nan icoinra huamafo inapapia muutsa mucani fasi omitsiscafo.

Ascatan Diosin oinmati futsan arifi ahuun manuti chaan chaan acaino Diospan tsoara futsa nai muranshon mai ano nichian. Ascan fototan nan yoshin chacafo quininhuan faquish muran icafo ano caa. Nan quininhuan fupotiya. Ascan amurannoafocai ahuuscashu caintirofoma. Ascafia nan nai murannoa fotomana Diosin shafi inan quininhuan faquishi murannoa ato caimanon.

Ascashon ato yonoa isca huaquin, —Mai anoafo fasifo yafi fanafo non ihuifori chacana huayamacahuun. Ascan tsoan uhuun yorafoma aton fumananquiri uhuun anu nutamuafoma nanfo fusti man ato tucatiro. Ascafia ato rutuyamacahuun. Ato rututama mucu fustiti oshu man ato omitsiscahuatiroran, —ishon ato yonoa. Ascacun ato tucafoanno nan icoinra huamafo inapapia muutsa mucani fasi omitsiscafo.

Nan quininhuan faquish muran yoshin chacafo icafoan aton niaifoan ahuun anu Israeli tsainman Abadón. Griego tsainmanri ahuun anu Apolión. Onicoinnin tsainman yorafo rutumisi.