Popular Bible Verses from Marcos 6

Share

Ascaifono yorahuanrasi Jesusqui furi furinifo. Ascaquin ato pitimacoin huanifo. Afu rafumisifo yafi ato yoini, —Tsoa icama ano non fonon focahuun. Anoshon non tunuyonon, —ato huani.

Ascano Jesús ato yoini isca huaquin, —Nan maitio Diosin tsain yoimisi nicatirofo. Ahuunoa yoisharamisifo. Nan cainni anoafo non ahuun yorafoancai nanfoansicai nicapaicanimaran, —ishon ato yoini.

Ascaiton yorafoan ato oinnifo. Ascatan Jesús yafi afu rafuafo nocoataima ian cusumunri yorahuanrasi atoqui fuainfoan oin Jesús atohuun ramapaini. Ascashon Jesús shinanquin isca huani, —Chashohuanfo cushumisioma nanscarifiai na yorafo cushumisiomaforan, —ishon shinanniquin. Ascashon ato ichapa yosini.

Ascano isinin icaifo fustirasi manmanshon ato cayahuamani. Futsafori cayahuamapaifiaquin icoinra huayamaifoan anima. Diosihuunshon tsoa futsan atiroma cuscan ato ashopaifiaquin anima. —¡Aira! Ahuunscain ua oinfiamisishaquin ua icoinra huapaicanimaran, —ishon Jesús shinanni. Ascaiton pushurasiti Israelifo icano cahuancacaini ato Diosin tsain shara yosin.

Ascaino nan shiman rafu yafi misi mucu fustiti tsomashon nai ari foisinifoantan Apa Dios cufini, —¡Aicho! Upan, mihuunshon un ato pimaicain. Min fasi sharacoincun, —huatan. Misi torupacutan shiman rafu ya osishon ahuunshon tapimisifo ato pashcanan huapani. Ascaino picani mayacoinnifo. A misi yafi shiman tushu huafo afu rafuafoan doce shihuati fospi huani.