Popular Bible Verses from 2 Corintios 5

Share

Ratoran Cristo Ifohuaashu afin fiananancoian yora funacoin ishquin. Ipaoni cuscacai afanan aima. Nantian Cristo ahuun nomuran afanan funacoin cuscara huai.

Cristocai ahua chaca huayamafiamisicun Apa Diosin nocon chacafo amuran cuyoimani. Ascan ahuunoashu nan cuscara shara non inon.

Icon Jesús icano non oiantaimafiaquin nuno mai anoshon non icoinra huafafaini. Ascashon non chipo oinshquin.

Ascano Upa Diosin Cristohuunshon noco fiananan huaa afanan non noicasmanonma. Ascan natian Cristohuunoashu non ahuun yorafo inon. Ascatan noco yonoa norifi ahuunshon yorafo yoiquin isca huanon, —Cristo Ifo huacahuun. Afanan Diosimaqui iyamacahuun ahuun yorafo iishcaquin, —ishon non yoitiro. Upa Diosin Cristohuunshon afanan nantifi yorafo a ya rafumapai afanan amaqui inonfoma. Cristo noco nashoniano Upa Diosin nocon chaca afanan shinainma. Nocon chaca soashona non afu ipanon. Upa Diosin noco yonoa cuscan nannoricoin non mato yoimisi.

Nanscacun Cristo noco nichini non ahuun tsain mato yoinon. Non ahuun tsain mato yoiquifin nan Upa Diosicoinin mato yoia huaquin. Upa Diosifin nocohuunshon mato yoiquin. Cristo mato yoipaiyai cuscari non mato yoi. Ascacun noco nicacoincapun. Cristo mato nashoni chacafo mato soashoshquin. Ascacun maton chaca shatucahuun afanan Upa Dios fu rafushcaquin.

Cristo nocohuun noiquin noco yonoi non ahuun tsain shara mato yoinon. Cristo nantifi yorafohuunoashu naani. Ascashu nantifi non afu nai cafiscai afanan non ipaoni cuscan aashquima. Cristo nafiashu afanan nocohuunoashu noco noi funinaca huani. Norifi naashu ahuunoashu non afanan funitiro a cuscara iishquin. Ascan nofin non apaiyai cuscan fustisicai afanan non shinantiroma. Cristo noco amapaiyai cuscan nan fusti non shinantiro nocoqui unimanon. Nanfo non icoinra huamisi. Ascacufin icoinra huamafoan futsafohuunoa shinainfo cuscacai un afanan atohuunoa anori shinanpacunacama. Unri anori shinanpaonifiashucai un afanan ascapacunacama. Cristohuunoari un amaquiri shinanpaoni. Uncai afanan ahuunoa anori shinainma.

Cristo nocohuun noiquin noco yonoi non ahuun tsain shara mato yoinon. Cristo nantifi yorafohuunoashu naani. Ascashu nantifi non afu nai cafiscai afanan non ipaoni cuscan aashquima. Cristo nafiashu afanan nocohuunoashu noco noi funinaca huani. Norifi naashu ahuunoashu non afanan funitiro a cuscara iishquin. Ascan nofin non apaiyai cuscan fustisicai afanan non shinantiroma. Cristo noco amapaiyai cuscan nan fusti non shinantiro nocoqui unimanon. Nanfo non icoinra huamisi.