Popular Bible Verses from Lucas 4

Share

“Pueyaso Sohuanuuri coojiajinia quiyani, na cumaaca cua jiitianura. Naacuajitij, Pueyasoori cua seeratarucuaa maninia rupaa cua pohuatanura casamiijiuniucua pueya niquiara. Cua jiyaroreejaariuhua Sesaaca quioosano pueya cua pohuatanura maninia rupaa Pueyasojiniji. Naacuajitij, nojoriiri cartesano quiriohua Sesaaca sapojosanojiniji. Cua jiyaroreejaariuhua cariyojuarujuri pueya namijiaa cua jeecanura, maninia niquijiara nojori quiniuhuara. Cua jiyaroreejaariuhua taraatia miitiasusano pueya cua jiyatenura shuquiriaatia quijiacara. Cua jiyaroreejaariuhua cua pohuatanura pueya niquiara, quiarijiaari Jiyaniijia Pueyaso jiyanooshacari pueya”.

Jesuuri saaja na sequeree: —Pueyaso Rupaajiniacuajaari naa naajiotasano quiya: “¡Quia Jiyaniijia Pueyaso quia shuquiritiare! ¡Saaja nojuaja quia tojiri!”

Jesuuri saaja na riucuaree: —Pueyaso Rupaajiniacuajaari naa naajiotasano quiya: “Pueyanoori maja saminio na quiniu saa miaquesanotaja. Seetanujuanaa saminio quiyari na tojishacari puetunu Pueyaso Rupaajanaa”.

Jesu quiasacariuhua Jordán moojiniji, Pueyaso Sohuanuuri noojiajinia quiriquiaa puetunu na cumaacajanaa na jiitianura. Pueyaso Sohuanuuri na jiyatequiaari pueya jiyaqui cariiquia jiyajiniara.

Jesuuri na riucuaree saaja: —Naa naajiotasano quiyajaariuhua Pueyaso Rupaajinia: “Maja quia Jiyaniijia Pueyaso quia saniniujiuniu”.

Sesaacaari naa Jesu saniniujiuniu puecaquiaari puetunujuanaa. Majaari quenaaja na naata quiriquiaa sesa na miitiniuria. Naaratej, rupaquijia na tarinitiaquiaari tamacaririaari.

Na nuhuaji, Sesaacaari Jesu jiyataaree jiyanohua jiyaconaja tuhuananuucua. Sesaacaari ritia niquitirii Jesu puetunu mijiria jiyacajanaa. Jesu sequereeri: —Janiya quia niquitionutaniya puetunu nio jiyaca jiyaniijianucua cumaacajanaani, maninia jiyaniijiajanaa quia quiniuria mijiria. Janiyari puetunu nio jiyacajanaa niquitiosaaquiaarini. Naacuajitij, janiyari cumaaca niquitioquiaani cana cua niquitionu paniyacuajani, jiyaniijiara na quiniuria. Puetunujuanaari quiara quiniutianiya, quiaa jaara cucuara mojoquetare quia shuquiritianura janiya. Jesuuri saaja na sequeree: —Pueyaso Rupaajiniacuajaari naa naajiotasano quiya: “¡Quia Jiyaniijia Pueyaso quia shuquiritiare! ¡Saaja nojuaja quia tojiri!”

Na nuhuaji, Sesaacaari Jesu jiyataaree Jerusalén tiacajinia. Na tacaniriiri Pueyaso Secojojua tia cacojiria, jiyocuacaanu. Jesu sequereeri: —Niiquiji quia jaataare jiyocua, quiaa jaara seetanujuanaa Pueyaso Niyanu quiri. Pueyaso Rupaajiniacuajaari naa naajiotasano quiya: “Pueyasoori na seya sequenutaniya na cojuanura quiajaniya. Nojoriiri quia quianutaniya, saajiaacua quia jiriataaquiniuucuaji”. Jesuuri na riucuaree saaja: —Naa naajiotasano quiyajaariuhua Pueyaso Rupaajinia: “Maja quia Jiyaniijia Pueyaso quia saniniujiuniu”.