Popular Bible Verses from Marcos 1

Share

Lik anim tan echiri' lik k'a q'equ'm, xwa'lij b'i ri Jesús, xel k'u b'i chupa ri tinamit y xe'ek pa jun luwar katz'intz'otik cha' ku'ana orar.

jewa' kub'i'ij: «Xopon k'u ruq'ijol echiri' rutaqanik ri Dios xa naqaj chi k'o lo wi; tzelej k'u tzij alaq chwach ri Dios y kojo alaq ri Utzilaj Tzij» kacha'.

Na jampatana xel lo ri Jesús pa ri ya', xrilo echiri' xjaqataj ruwa kaj y ri Ruxlab'ixel ri Dios pacha' juna palomax xqaj lo puwi'. Y xch'aw lo Jun chila' chikaj, jewa' kub'i'ij: «At ri'at Nuk'ajol y lik k'ax katinna'o. Lik kinki'kot chawe» xcha che.

Paqatzij wi, ri'in xinya ri bautismo che alaq ruk' ya'; no'j ri bautismo kuya Rire che alaq, e ruk' ri Santowilaj Ruxlab'ixel ri Dios» kacha'.

Ek'u ri Jesús xub'i'ij chike: —Chixpetoq, chixterej lo chwij y ri'in kan'an chiwe ix aj molol tikawex jela' pacha' i'anom lo chike ri kar —xcha'. Rike xkiya kan ri ki atarraya y xeterej b'i chirij.

Y ri xetaw re lik xkam kanima' che, ma ruma ruk'utunik kaq'alajinik lik k'o uwach, na pacha' ta ri kaki'an raj k'utunel re ri tzijpixab'.