Popular Bible Verses from Lucas 17

Share

Xub'i'ij k'u che rachi: —Chatyaktajoq y chamaja b'i ab'e. Ma ruma ri kub'ulib'al ak'u'x wuk', xatkolob'etaj che ri yab'il —xcha'.

Tob' ne ku'an ri na utz taj chawe wuqub' laj chupa ri jun q'ij y wuqub' laj kolu'tzelej utzij chawach, chakuyu umak» xcha ri Jesús.

K'o k'u jun chike, echiri' xrilo kunutajinaq chik, xtzelej loq y xujeqo kasik'inik, lik kuyak uq'ij ri Dios. Xuxukub'a' k'u rib' xe'raqan uq'ab' ri Jesús, xuqasaj rupalaj k'a chu'lew y lik katioxin chwach, yey wa' wa'chi aj Samaria.

»Lik chiwila k'u iwib' ri'ix. Ma we juna awatz-achaq' ku'an ri na utz taj chawe, chach'a'b'ej upa. Y we xutzelej utzij chawach, chakuyu umak.

Ek'u ri Jesús jewa' xub'i'ij: —¿Na e ta neb'a lajuj ri xekunutajik? Yey ri b'elejeb' chik, ¿pa e k'o wi?

Y ri Qanimajawal Jesucristo jewa' xub'i'ij chike: —We ta ri kub'ulib'al ik'u'x kak'iyik jela' pacha' kak'iy rija' re moxtasa, utz ne ri' kib'i'ij che wa jun che': “Chumich'a b'i rib' wara y chutika rib' chupa ri mar,” y e ku'ana' —xcha'.

China ri lik kutij ri' che na kuya ta ranima' ruk'aslem, ri' e kujam ri chomilaj uk'aslemal chwach ri Dios; no'j china ri kuya ranima' ruk'aslem wuma ri'in, ri' e kuriq ri chomilaj uk'aslemal chwach ri Dios.

Ri Jesús xub'i'ij chike rutijo'n: «Che ruwachulew lik k'o tzaqib'al pa mak, pero ¡lik toq'o' k'u uwach ri kumin junoq chik chupa ri na utz taj, ma e kape ri q'atb'al tzij re ri Dios puwi'! Ma e ne más utz kuya ri katzayab'ax b'i puqul juna nimalaj ka' re ke'em y kak'aq k'u b'i chupa ri mar, chwa ri kumin junoq pacha' wa ch'uti'q chupa ri na utz taj.

»Ma jela' pacha' ri xu'an chupa taq ri q'ij re ri Noé, jela' ku'ana pa ruk'unib'al Ralaxel Chikixo'l Tikawex. Ma konoje ri winaq kakitij kiwa, kakitij kiya', kek'uli'ik y kekiya ri kalk'o'al pa k'ulanikil. Ek'u ketajin ri' che u'anikil, echiri' xopon ruq'ijol xok b'i ri Noé chupa ri nimalaj barco; k'a tek'uchiri' xpe ri unimal jab' y jela' xusach kiwach konoje.