Popular Bible Verses from Juan 13

Share

»Kanya wa jun k'ak' taqanik chiwe: E lik k'ax china'a iwib' chiwach. Jela' pacha' ri'in lik k'ax kixinna'o, jek'ula' lik k'ax china'a iwib' ri'ix chiwach. We lik k'u k'ax kina' iwib' chiwach, ruma wa' konoje ri winaq kaketa'maj ix nutijo'n —xcha'.

We in k'u Itijonel ri' yey in Iwajawal y xinch'aj k'u li'waqan, jek'ula' ri' chi'ana ri'ix; chich'aja k'u li'waqan chiwach ri'ix chiwib'il iwib'. Ri'in xin'an wa' re k'utub'al chiwach, cha' ri'ix jela' ki'ano pacha' ri xin'an ri'in.

Ri Jesús xuk'ul uwach: —Wo'ora na kamaj ta usuk' sa' wa kintajin che u'anik; k'ate na k'u ri' kamaj usuk' —xcha'.

Paqatzij wi kamb'i'ij chiwe: Na jinta juna aj chak más k'o uwach chwa ri rajaw, yey na jinta ne juna taqo'n más k'o uwach chwa ri taqayom lo re.

We kimaj usuk' taq wa' y kitijoj iwib' che u'anik, nim iq'ij iwalaxik ri'.

Na ruk' ta k'u ri', ri Jesús xyaktajik, xresaj ruq'u' uripom chirij, xuk'am jun twayo puq'ab' y xuxim chupa. Tek'uchiri' xuq'ej ya' pa jun k'olib'al, xujeq uch'ajik ri kaqan rutijo'n y kuchaqisaj ruk' ri twayo uximom chupa.