Popular Bible Verses from Hebreos 5

Share

Ri kowilaj wa'im xew taqal chike ri e nima'q chik; jek'ula' k'o k'utunik chupa Rutzij Upixab' ri Dios xew kemajaw usuk' ri keta'am sa' ri utz y sa' ri na utz taj chwach ri Dios yey lik kitaqem k'u u'anik ri utz.

Lik k'o tan q'ij lo ri' xtzijox ri Utzilaj Tzij che alaq; ek'u ri lik ub'e e tane e la' alaq chi aj k'utunel re wa'. Na ruk' ta k'u ri', lik ne kajawaxik kak'ut tanchi che alaq ronoje ri nab'e xmaj lo alaq puwi ri Utzilaj Tzij re ri Dios. E pacha' kajawax tanchi che alaq katij alaq tz'um ma k'amaja' kamaj alaq utijik ri kowilaj wa'im. Ma e junoq k'amaja' umajom usuk' ri kub'i'ij Rutzij Upixab' ri Dios puwi sa' ri usuk' y sa' ri na usuk' taj, ri' e pacha' juna ne' k'a kutij utz'um.

Ek'u ri Cristo, tob' e Uk'ajol ri Dios, xumaj ukojik utzij ri Dios ruma ri k'axk'ob'ik xrik'owib'ej. Ruma k'u xutz'aqatisaj uwach ronoje ri xraj ri Dios che, xu'ana aj ya'l kolob'etajik na jinta utaqexik chike janipa ri kekojow utzij Rire.

Ri Cristo echiri' xjeqi' wara che ruwachulew lik xu'an orar, ruk' oq'ej y ruk' sik' lik xelaj chwach ri Dios, ri k'o puq'ab' kukolob'ej chwa ri kamik; y ri Dios lik xuta re ruma ri lik uya'om rib' puq'ab'.