Popular Bible Verses from Mark 6

Share

Jeju ula dee pana: Reeje ar sí n’saaje rɔ sí j’awje dɔ loo’g mba kwa rɔ sí keneŋ waga ɓa. Mbata dəwje d’aw dɔ na̰’d yo gə́ nee ar loo mba sɔ né godo.

Yen ŋga Jeju ula dee pana: Njetegginta lé njé gə́ ɓee-kojee’g ləm, gə njénojije ləa ləma, gə njé gə́ mee kəije ləm tɔ ɓa d’a kḛjee bəḭ-bəḭ ya.

Loo gə́ Jeju unda loo mee to’g teḛ aa loo oo boo-dəwje gə́ bula digi-digi lé ndá mée tɔsee gə no̰ mbigi-mbigi dɔ dee’g mbata yeḛ oo dee asəna gə badje gə́ njekul dee godo. Bèe ɓa yeḛ un kudu ndoo dee ne néje ɓəd-ɓəd loo bula tɔ.

Togə́bè yeḛ oo loo ra némɔri kára kara ɓee lə dee el, nɛ jia ɓa ila dɔ njérɔko̰je gə́ na̰je aji dee ne. Kaaree wá paḭ mbata meendər lə dee. Jeju aw gə dɔɓee-dɔɓee gə́ gugu dɔ ɓee ləa lé ndoo dee ta keneŋ.

Tɔɓəi yeḛ odo pil muru gə́ mi gə ka̰jije gə́ joo lé aa ne loo gə́ dara ɓa ra oiyo dɔ’g. Tɔɓəi yeḛ wa muru gaji dana ar njékwakiláje mba kar dee d’ar boo-dəwje lé. Yeḛ kai dee ka̰jije gə́ joo neelé mbuna dee’g lai tɔ. Dəwje lai d’o̰ d’ar meḛ dee ndan tub-tub. D’odo goŋ muruje gə́ nai gə mbida ka̰jije gə́ nai lé rusu budu dɔg-giree-joo.