Popular Bible Verses from Matiyo 28

Share

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ. Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Kura lə Ala lé gə́ dara un ta ula denéje neelé pana: Seḭ ɓa yḛ̀, ɓəlje nda̰ el mbata ma m’gər gao Jeju gə́ deḛ ɗaree kaar kag’d lé ɓa seḭ ndoleeje ya. Yeḛ to loo gə́ nee’g el ŋga, yeḛ unda loo teḛ mba̰, to gə́ yeḛ ula sí kédé lé. Reeje ooje loo-tée.

Togə́bè Jeju ula dee pana: Ɓəlje el, aw ulaje ŋgakɔmje ar deeje d’aw Galile ɓa d’a kila kəm dee dɔm’g keneŋ ɓəi.

Deḛ neelé mbo̰ dɔ na̰ gə ŋgatɔgje lə deḛ lai na̰’d, d’ula ta meḛ na̰’d njḭ-njḭ ndá d’odo lar ɓai-ɓai d’ar njérɔje neelé d’ula dee pana: Aw pajena: Njékwakiláje ɓa ree loondul’g loo gə́ jeḛ n’toɓi lé ya, d’ɔr ninee d’aw ne. Ɓó lé njeguburuɓee oo taree ndá j’a lèbè ne kəmee gə mba kɔr ne taree dɔ sí’g. Njérɔje taa lar neelé ndá ra to gə́ deḛ d’un ne ndu dee d’ar dee lé ya tɔ. Ta neelé d’aw gə taree wəg-wəg mbuna Jibje’g saar teḛ mee ndəa gən.